சிப்பாங், மலேசிய எல்லைக் கட்டுப்பாடு மற்றும் பாதுகாப்பு முகமையின் (AKPS) தலைமை இயக்குநர் ஷுஹைலி ஜைன், கடந்த மாதம் இரு காவலர்களைத் தாக்கியதாகத் தொடரப்பட்ட வழக்கில், இன்று நீதிமன்றத்தில் தான் குற்றமற்றவர் என்று வாதிட்டார். செப்டம்பர் 28 அன்று கோலாலம்பூர் அனைத்துலக விமான நிலையத்தின் (KLIA) முனையம் 1-இல், ஃபைஸ் சமான், எக்மல் சோஃப்வான் ஆகிய இரு காவலர்களைத் தாக்கியதாக, தண்டனைச் சட்டத்தின் பிரிவு 323-இன் கீழ் அவர் மீது இரண்டு குற்றச்சாட்டுகள் சுமத்தப்பட்டுள்ளன. குற்றவாளி எனத் தீர்ப்பளிக்கப்பட்டால், ஒவ்வொரு குற்றச்சாட்டுக்கும் அவருக்கு ஓராண்டு வரை சிறைத்தண்டனையோ, 2,000 ரிங்கிட் வரை அபராதமோ அல்லது இவை இரண்டுமோ விதிக்கப்படலாம்.
The post இரு காவலர்களைத் தாக்கியதாகக் கூறப்படும் குற்றச்சாட்டை மறுத்து விசாரணைக் கோரிய ஷுஹைலி appeared first on Makkal Osai – மக்கள் ஓசை.
