கூடுதல் விறு விறுப்படையும் இந்தியா – வெஸ்ட் இண்டீஸ் மேட்ச்.. மழையால் போட்டி 9 ஓவர்களாக குறைப்பு | கிரிக்கெட் செய்திகள்

இதனால் போட்டி வழக்கத்தை விடவும் கூடுதல் விறுவிறுப்பாக அமைய உள்ளதால் ரசிகர்கள் உற்சாகம் அடைந்துள்ளனர். இந்தியா வந்துள்ள வெஸ்ட் இண்டிஸ் கிரிக்கெட் அணி 3 போட்டிகள் கொண்ட ஒரு நாள் கிரிக்கெட் தொடரை 1-2 என்ற கணக்கில் இழந்தது.

அதனை தொடர்ந்து ஐந்து போட்டிகள் கொண்ட 20 ஓவர் கிரிக்கெட் போட்டி நடைபெற்று வருகிறது. இதில் 4 ஆட்டங்கள் முடிந்துள்ளன. இதில் இந்தியாவும் வெஸ்ட் இண்டீஸ் அணியும் தலா 2 போட்டிகளில் வெற்றி பெற்று சம நிலையில் உள்ளன.

இந்த நிலையில் 5-ஆவது மற்றும் கடைசி டி20 கிரிக்கெட் போட்டி இன்று பெங்களூருவில் நடைபெறுகிறது. முன்னதாக பெங்களூரு மைதானத்தை சுற்றியுள்ள பகுதிகளில் பரவலாக நல்ல மழை பெய்தது. அதன் காரணமாக போட்டி தொடங்குவது தாமதம் அடைந்தது. தொடர்ந்து மழை பெய்ததால் போட்டி 9 ஓவர்களை கொண்டதாக மாற்றி அமைக்கப்பட்டுள்ளது.

இதன் அடிப்படையில் பவர் பிளே 2.4 ஓவராக அமையும். இதில் டாஸ் வென்ற வெஸ்ட் இண்டீஸ் அணி பவுலிங் தேர்வு செய்துள்ளது. போட்டி ஓவர்கள் குறைக்கப்பட்டு இருப்பது ஆட்டத்தை மேலும் விறுவிறுப்பாக மாற்றி உள்ளது.