மஹிந்திரா நிறுவனத்தில் பெரும் பங்குகளை வாங்கும் பிரேசில் Embraer..!
பிரேசில் நாட்டின் முன்னணி ஏரோஸ்பேஸ் நிறுவனமான Embraer, இந்தியாவின் மிகப்பெரிய வர்த்தக சாம்ராஜ்ஜியமான மஹிந்திரா குழுமத்தின் நோவாவாயு ஏரோஸ்பேஸ் நிறுவனத்தின் 51 சதவீத பங்குகளை வாங்க ஒப்பந்தம் செய்துள்ளது.
உலகம் முழுவதும் விமானங்களின் தேவை அதிகரித்துள்ளதாலும், பாதுகாப்புத் துறையின் அவசியம் அதிகரித்துள்ள காரணத்தால் வரலாற்றில் எப்போதும் இல்லாத வகையில் ஏரோஸ்பேஸ் துறை வேகமாக வளர்ச்சி அடைந்து வருகிறது.
இந்த நிலையில் உலகளாவிய ஏரோஸ்பேஸ் துறைக்கு முதுகெலும்பாக மாறி வருகிறது இந்தியா. கோவை, ஓசூர் முதஸ் புனே வரையில் ஏரோஸ்பேஸ் நிறுவனங்கள் மாஸ் காட்டி வருகிறது.
ஏரோஸ்பேஸ் துறைக்கான உதிரிபாகங்கள், தொழில்நுட்ப மேம்பாடு, வடிவமைப்பு எனப் பலவற்றில் இந்தியா வேகமாக வளர்ச்சி அடைந்து வரும் காரணத்தால் உலகில் பல முன்னணி நிறுவனங்கள் இந்தியாவில் தனியாகவோ, கூட்டணியிலோ உற்பத்தி ஆலை, ஜிசிசி-களை அமைத்து வருகிறது.
இந்த வரிசையில் பிரேசில் நாட்டின் Embraer நிறுவனம் நோவாவாயு ஏரோஸ்பேஸ் நிறுவனத்தின் 51 சதவீத பங்குகளை வாங்க ஒப்பந்தம் செய்துள்ள நிலையில், டிசம்பர் 1ஆம் தேதிக்குள் பங்ு விற்பனை முடியும் என எதிர்பார்க்கப்படுகிறது.
இதன் மூலம் இந்தியாவில் அதிகாரப்பூர்வமாக Embraer இந்திய ஏவியேஷன் மற்றும் பாதுகாப்புத் துறை தொழிற்துறையில் இறங்க உள்ளது. Embraer தனது உலகளாவிய வர்த்தகத்தை விரிவாக்கம் செய்யும் திட்டத்தில் இந்தியா முக்கிய பங்கு வகிக்கப்போகிறது என்றும், இந்தியாவில் பெரிய அளவில் விரிவாக்கம் செய்யத் திட்டமிட்டு உள்ளதாகப் பிரேசில் செய்தி நிறுவனமான Brasil 247 தெரிவித்துள்ளது.
இப்புதிய கூட்டணி மூலம் மஹிந்திரா உதவி மூலம் உற்பத்தி பணிகளைப் பெரிய அளவில் வேகப்படுத்த உள்ளது Embraer. இந்தியாவில் விமானச் சேவைத் துறை பெரிய அளவில் விரிவாக்கம் செய்து வரும் வேளையில் Embraer நிறுவனத்தின் வருகை புதிய பலத்தைக் கொடுக்கும்.
மஹிந்திரா உடனான கூட்டணி உள்நாட்டு தேவையை மட்டும் அல்லாமல் வெளிநாட்டு ஏற்றுமதியிலும் பலன் அடையும். Embraer நிறுவனம் கமர்சியல் விமானம், பிஸ்ன்ஸ் ஜெட்ஸ், ராணுவ விமானங்கள், சரக்கு விமானங்களைத் தயாரிக்கும் பணியில் பல ஆண்டு காலமாக ஈடுபட்டு உள்ளது.
விமானத்தில் ஏர் ஃப்ரேம், விங்க்ஸ், கட்டமைப்புகள் என அனைத்தையும் சொந்தமாகத் தயாரித்து அசம்பிள் செய்தாலும், விமானத்தின் இன்ஜின்களை வெளியில் Pratt & Whitney, ரோல்ஸ் ராய்ஸ் போன்ற நிறுவனங்களிடம் இருந்து தான் வாங்குகிறது Embraer.
