இந்தியா நிர்ணயத்த இமாலய இலக்கை எளிதாக சேஸிங் செய்த மேற்கிந்திய தீவுகள் | Sports News (விளையாட்டு செய்திகள்)

இந்தியா சுற்றுப்பயணம் மேற்கொண்டுள்ள மேற்கிந்திய தீவுகள் 3 போட்டிகள் கொண்ட ஒரு நாள் தொடரை முழுமையாக இழந்தது. இதையடுத்து 5 போட்டிகள் கொண்ட டி20 முதல் போட்டியில் இந்திய அணி வெற்றி பெற்றது. இரண்டாவது டி20 போட்டி ராஞ்சி மைதானத்தில் இன்று நடைபெற்றது. இந்த போட்டியில் டாஸ் வென்ற மேற்கிந்திய தீவுகள் அணி பந்துவீச்சை தேர்வு செய்தது.

இதையடுத்து களமிறங்கிய இந்திய அணி ஆரம்பம் முதலே அதிரடி ஆட்டத்தை வெளிப்படுத்தியது. சஞ்சு சாம்சன் 41 பந்துகளில் 82 ரன்கள் விளாசி சிறப்பான தொடக்கத்தை கொடுத்தார். இறுதி ஓவர்களில் திலக் வர்மா கேப்டன் ஷ்ரேயாஸ் ஐயர் கூட்டணி மேற்கிந்திய பந்துவீச்சை சிதறவிட்டனர். இதனால் இந்திய அணி 20 ஓவர்கள் முடிவில் 249 ரன்கள் எடுத்தது.

இதை தொடர்ந்து 250 ரன்கள் எடுத்தால் வெற்றி என்ற இமாலய இலக்குடன் களமிறங்கிய மேற்கிந்திய தீவுகள் அணிக்கு தொடக்கம் சறுக்கலாக அமைந்தது. கமில் பூரண் 4 ரன்களிலும் ஹெட்மெயர் ரன் ஏதும் எடுக்காமல் அவுட்டாகினர். ஆனால் மற்றொரு தொடக்க வீரரான கேப்டன் சாய் ஹோப் மற்றும் ரூதர்ஃபோர்டு இருவரும் இந்திய பந்துவீச்சாளர்களை திணறவிட்டனர். இவர்களின் அதிரடியால் மேற்கிந்திய தீவுகள் அணியின் ரன்ரேட் கிடுகிடுவென உயர்ந்தது.

ரூதர்ஃபோர்டு 84 ரன்களில் அவுட்டானாலும் தனது அதிரடியை குறைக்காத சாய் ஹோப் 102 ரன்கள் விளாசி கடைசி வரை களத்தில் இருந்தார். இதனால் மேற்கிந்திய தீவுகள் அணி 18.3 ஓவர்களில் 4 விக்கெட்களை மட்டுமே இழந்து இலக்கை எளிதாக எட்டியது. இந்த வெற்றியின் மூலம் இரு அணிகளும் 1-1 என்ற கணக்கில் உள்ளன.