லேடி ரிட்ஜ்வே சிறுவர் மருத்துவமனைக்கு CT ஸ்கானர் (CT scanner) ஒன்றை வாங்குவதற்காகப் பெறப்பட்ட 10 மில்லியன் ரூபாய் தொடர்பான குற்றச்சாட்டுகள் குறித்து, முன்னாள் முதல் பெண்மணி ஷிரந்தி ராஜபக்ச கைது செய்யப்பட்டதாக இலஞ்ச அல்லது ஊழல் குற்றச்சாட்டுகளை விசாரிக்கும் ஆணைக்குழு (CIABOC) தெரிவித்துள்ளது.
மருத்துவமனைக்கு கணினிமயமாக்கப்பட்ட டோமோகிராபி (CT) ஸ்கானரை வழங்குவதற்காகப் பயன்படுத்தப்படும் என்று கூறி, ‘சிரிலிய சவிய’ (Siriliya Saviya) அமைப்பு மூலம் தேசிய சேமிப்பு வங்கியிடமிருந்து அந்தப் பணம் பெறப்பட்டதாக CIABOC தெரிவித்துள்ளது.
லேடி ரிட்ஜ்வே மருத்துவமனை ஸ்கானர் விவகாரம்
அந்த 10 மில்லியன் ரூபாயைப் பயன்படுத்தி லேடி ரிட்ஜ்வே மருத்துவமனைக்கு CT ஸ்கானர் வழங்கப்படவில்லை என்றும், அதற்குப் பதிலாக அரசாங்க நிதி நேர்மையற்ற முறையில் கையாடல் செய்யப்பட்டதாகவும் இலஞ்ச ஒழிப்பு ஆணைக்குழு குற்றம் சாட்டுகிறது.
குறித்த நிதி தொடர்பான ஊழல் மற்றும் பொதுச் சொத்துச் சட்டத்தின் கீழ் குற்றங்களை இழைத்ததாகக் கூறப்படும் குற்றச்சாட்டுகளின் பேரில் ஷிரந்தி ராஜபக்ச கைது செய்யப்பட்டதாக CIABOC கூறியது.
புதன்கிழமை காலை சுமார் 9:56 மணியளவில் கிரிலப்பனையில் உள்ள பூர்வராம (Poorwarama) பகுதியில் உள்ள ஒரு இல்லத்தில் வைத்து CIABOC புலனாய்வாளர்களால் அவர் கைது செய்யப்பட்டார்.
அவர் கொழும்பு தலைமை நீதவான் நீதிமன்றத்தில் முன்னிலைப்படுத்தப்படவுள்ளதாக ஆணைக்குழு தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
