குறைந்தது தங்கம் விலை: தமிழ்நாட்டு மக்களே தங்கம் வாங்க செம சான்ஸ்..!! அக்டோபர் மேஜிக்கை தவற விடாதீங்க..!!
அக்டோபர் மாதத்தில் தொடர்ச்சியாக நகை பிரியர்களுக்கு நல்ல செய்தியாகவே வருகிறது. இந்த மாதம் தொடங்கி இன்றுடனான 6 நாட்களில் 3 நாட்கள் தங்கம் விலை குறைந்துள்ளது. அந்த வகையில் இன்று சென்னை, கோவை, மதுரை உள்பட தமிழ்நாட்டின் பிரதான நகரங்களில் இன்று தங்கம் விலை என்ன என்பதை விரிவாக பார்க்கலாம்.
தமிழ்நாட்டில் இன்றைய தினம் 22 கேரட் ஆபரண தங்கம் விலை குறைந்துள்ளது. சென்னை, கோவை, மதுரை, திருச்சி உள்பட தமிழ்நாட்டின் அனைத்து நகரங்களிலும் ஒரு கிராம் ஆபரண தங்கம் 15 ரூபாய் விலை குறைந்து 13,660 ரூபாய்க்கு விற்கப்படுகிறது. ஒரு சவரன் ஆபரண தங்கம் 120 ரூபாய் விலை சரிந்து 1,09,280 ரூபாய்க்கு விற்கப்படுகிறது.
வீட்டில் திருமணம் உள்ளிட்ட நிகழ்வுகளுக்கு தங்கம் வாங்க வேண்டிய கட்டாயத்தில் இருப்பவர்கள் இன்று கடைக்கு சென்றால் குறைந்த விலைக்கே தங்கம் வாங்கும் வாய்ப்பு கிடைக்கும். ஏனெனில் தங்கம் விலை குறையும் போது தங்க நகைக்காக நாம் செலுத்தும் செய்கூலி சேதாரமும் குறையும். அக்டோபர் 1ஆம் தேதி முதல் இன்று வரை இந்த 6 நாட்களில் தங்கம் விலை 3 நாட்கள் விலை குறைந்துள்ளது, 2 நாட்கள் விலை மாறவில்லை, ஒரு நாள் மட்டும் விலை உயர்ந்துள்ளது.
24 கேரட் தங்கம் விலையை பொறுத்தவரை ஒரு கிராம் 14,902 ரூபாய்க்கும் 10 கிராம் 1,49,020 ரூபாய்க்கும் விற்கப்படுகிறது. 18 கேரட் தங்கம் இன்று ஒரு கிராம் 11,220 ரூபாய்க்கும் ஒரு சவரன் 89,760 ரூபாய்க்கும் விற்பனை செய்யப்படுகிறது. வெள்ளியின் விலை இன்று மாறவில்லை. தமிழ்நாட்டில் இன்று ஒரு கிராம் வெள்ளி 245 ரூபாய்க்கும் ஒரு கிலோ வெள்ளி 2.45 லட்சத்திற்கும் விற்கப்படுகிறது.
அமெரிக்க மத்திய வங்கி செப்டம்பரில் வட்டியை உயர்த்தியது, இந்த ஆண்டு மேலும் ஒரு முறை வட்டி விகிதத்தை உயர்த்தலாம் என்ற எதிர்பார்ப்பு அதிகரித்துள்ளது. இதன் காரணமாக முதலீட்டாளர்கள் தங்கம், வெள்ளி முதலீடுகளை கைவிட்டு பத்திரங்களில் முதலீடு செய்கின்றனர். இதனால் தான் தங்கம், வெள்ளி விலைகள் படிப்படியாக குறைந்து வருகின்றன.
ஏனெனில் தங்கம், வெள்ளி முதலீடுகளை விட வட்டி வருமானம் தரும் முதலீடுகள் லாபகரமானதாக மாறியுள்ளன. இது தான் முதலீட்டாளர்கள் தங்கத்தை விட்டு செல்ல காரணம். உலக சந்தையில் ஒரு அவுன்ஸ் ஸ்பாட் கோல்டு 4,122 டாலர்களாக உள்ளது, எம்சிஎக்ஸ் வர்த்தகத்தில் 10 கிராம் தங்கம் 1,49,000 ரூபாய்க்கு வர்த்தகமாகிறது.
Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் “நாங்கள்” என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.
