Last Updated:
இந்தியாவில் சுற்றுப்பயணம் மேற்கொண்டுள்ள மேற்கிந்திய தீவுகள் அணி முதலில் மூன்று ஒருநாள் போட்டிகளைக் கொண்ட தொடரில் பங்கேற்றது. அதில், இந்தியா 2-1 என வெற்றிபெற்று தொடரைக் கைப்பற்றியது.
இந்தியா – மேற்கிந்திய தீவுகள் அணிகளுக்கு இடையே இன்று நடைபெறும் முதல் டி-20 போட்டி அதிக எதிர்பார்ப்பை ஏற்படுத்தியுள்ளது.
இந்தியாவில் சுற்றுப்பயணம் மேற்கொண்டுள்ள மேற்கிந்திய தீவுகள் அணி முதலில் மூன்று ஒருநாள் போட்டிகளைக் கொண்ட தொடரில் பங்கேற்றது. அதில், இந்தியா 2-1 என வெற்றிபெற்று தொடரைக் கைப்பற்றியது. இதையடுத்து இவ்விரு அணிகளுக்கும் இடையே 5 போட்டிகளைக் கொண்ட டி-20 தொடர் இன்று தொடங்குகிறது.
முதல் போட்டி உத்தரப் பிரதேசத்தில் உள்ள லக்னோ மைதானத்தில் இன்று இரவு 7 மணிக்கு தொடங்குகிறது. ஷ்ரேயஸ் தலைமையிலான இந்திய அணி, அண்மையில் நடைபெற்ற ஆசிய விளையாட்டுப் போட்டியில் பாகிஸ்தானை வீழ்த்தி தங்கம் வென்றது. அந்த அணியில் இடம்பிடித்த 14 வீரர்கள் இத்தொடரில் பங்கேற்கின்றனர். அபிஷேக் சர்மா, வைபவ் சூர்யவன்ஷி, சஞ்சு சாம்சன், இஷன் கிஷன், ஷ்ரேயஸ் ஐயர், ஷிவம் துபே என வலுவான பேட்டிங் வரிசையை இந்திய அணி கொண்டுள்ளது.
இதேபோன்று மேற்கிந்திய தீவுகள் தரப்பிலும் கேப்டன் ஷேய் ஹோப், ஹெட்மயர், ரூதர்போர்டு, ரொமாரியா ஷெப்பர்டு போன்ற அதிரடி வீரர்களும் இந்திய அணிக்கு சிம்மசொப்பனமாக விளங்குவார்கள் என்பதில் சந்தேகமில்லை. எனவே, இந்தியா – மேற்கிந்திய தீவுகள் அணிகளுக்கு எதிரான டி-20 கிரிக்கெட் தொடர் விறுவிறுப்புக்கு பஞ்சமிருக்காது என எதிர்பார்க்கப்படுகிறது.
