அம்பானி தோல்வி.. ஜப்பான் நிறுவனத்துடன் ஒப்பந்தம் முறிவு.. 60 கடைகள் க்ளோஸ்! | Mukesh Ambani’s Reliance Retail Terminates 7-Eleven Franchise Agreement in India – 60 Stores Face Closure After ₹90 Crore Loss

இந்திய ரீடைல் சந்தையில் பெரும் மாற்றத்தையும், புரட்சியும் செய்யும் என எதிர்பார்க்கப்பட்ட ஜப்பான் நாட்டின் 7-Eleven கடைகள் பெரும் தோல்வியை அடைந்துள்ளது. இதில் முக்கியமான விஷயம் என்னவென்றால் 7-லெவன் ஒப்பந்தம் இந்தியாவின் பெரும் பணக்காரர் முகேஷ் அம்பானி மற்றும் ரீடைல் துறையில் பெரும் வர்த்தக சாம்ராஜ்ஜியத்தைக் கொண்டு இருக்கும் ரிலையன்ஸ் ரீடைல் கையில் இருந்தும் வெற்றிபெறவில்லை என்பது தான் சோகமான விஷயம்.

உலகம் முழுவதும் இயங்கி வரும் பிரபலமான 7-Eleven கடைகள் இந்தியாவில் தொடர்ந்து பெரும் தோல்வியை மட்டுமே சந்தித்து வருகிறது, ரிலையன்ஸ் ரீடைல்-க்கு முன்பு பியூச்சர் ரீடைல் நிறுவனத்திடம் இருந்த போதும் எவ்விதமான முன்னேற்றமும் இல்லாமல் இருந்த காணத்தால் 5 ஆண்டுக்கான மாபெரும் ஒப்பந்தத்தை 7-Eleven நிர்வாகம் அம்பானி குடும்பத்தின் ரிலையன்ஸ் ரீடைல்-க்கு கொடுத்தது.

ஆனால் இந்த 5 வருட காலத்தில் 7-Eleven பிராண்ட் பிரபலமாக மாறினாலும் மக்களிடத்தில் போதுமான வரவேற்பு கிடைக்காத காரணத்தால் லாபமற்ற நிறுவனமாகவே இருந்து வருகிறது. இதனால் ரிலையன்ஸ் ரீடைல் – 7-Eleven மத்தியிலான தனது ஒப்பந்தத்தை முறித்துக்கொள்ள முடிவு செய்துள்ளது.

தற்போது இந்தியாவில் இயங்கி வரும் 60 கடைகள் மூட வேண்டிய கட்டாயத்திற்குத் தள்ளப்பட்டு உள்ளது. இதற்காகப் பல 7-Eleven கடைகளில் இருக்கும் சரக்குகள் தீர்க்கப்பட்டு வருகிறது.