சமனலவெவ பகுதிக்குக் கல்விச் சுற்றுலா சென்றபோது நீரோட்டத்தில் அடித்துச் செல்லப்பட்டு 16 வயது மாணவன் ஒருவன் நீரில் மூழ்கி உயிரிழந்துள்ளதாகப் பொலிஸார் தெரிவித்தனர்.
சப்ரகமுவ பல்கலைக்கழகத்திற்குச் சென்றுவிட்டுப் பின்னர் குறகல புனித ஸ்தலத்திற்குப் பயணம்கொண்ட மொனராகலைப் பகுதியைச் சேர்ந்த மாணவர் குழாம் ஒன்றில் அடங்கியவரே இந்த மாணவனாவார்.
பொலிஸாரின் தகவல்படி, குறித்த குழாம் சமனலவெவ அணைக்கு அருகில் நிறுத்திய வேளையில், பேருந்துகளில் ஒன்றிலிருந்த மூன்று மாணவர்கள் அருகில் இருந்த நீர்த்தேக்கப் பகுதிக்குக் குளிக்கச் சென்றுள்ளனர்.
அவர்களில் ஒரு மாணவன் நீரோட்டத்தில் சிக்கி அடித்துச் செல்லப்பட்டுள்ளதாகத் தெரிவிக்கப்படுகிறது.
இதனைத் தொடர்ந்து, பொலிஸாரும் உள்ளூர் வாசிகளின் உதவியுடன் தேடுதல் நடவடிக்கையை மேற்கொண்டதுடன், பின்னர் அந்த மாணவனின் சடலம் மீட்கப்பட்டுள்ளது.
உயிரிழந்தவர் பிபிலை, கிரியன்கும்புரவைச் சேர்ந்த 16 வயதுடைய வதிவிட மாணவனாவார்.
