கோலாலம்பூர்:
லாஹாட் டத்து மாவட்ட துணைப் போலிஸ் தலைவர் சுப்ரிண்டண்டன் ஜிம்மி பான்யாவ் நேற்றிரவு சரவாக்கில் உள்ள கூச்சிங் லைஃப் கேர் சொசைட்டியில் சிகிச்சை பலனின்றி காலமானார்.
இத்தகவலை உறுதிப்படுத்திய லாஹாட் டத்து மாவட்டப் போலிஸ் தலைவர் உதவி ஆணையர் துல்பஹரின் இஸ்மாயில், 53 வயதான எஸ்பி ஜிம்மி நேற்றிரவு 9.30 மணியளவில் காலமானதாகத் தெரிவித்தார்.
“மறைந்த ஜிம்மி பான்யாவ் லாஹாட் டத்து காவல் துறையில் பணியாற்றிய காலம் முழுவதும் மிகச் சிறந்த அர்ப்பணிப்புடனும் நேர்மையுடனும் கடமையாற்றிய ஒரு அதிகாரி ஆவார். அவரின் மறைவு போலிஸ் படைக்குப் பேரிழப்பாகும்” என்று அவர் சொன்னார்.
இபான் இனத்தைச் சேர்ந்த ஜிம்மி பான்யாவ், கல்லீரல் மற்றும் பித்தப்பை தொடர்பான ஆரோக்கியக் குறைபாடுகள் காரணமாக கடந்த ஆகஸ்ட் 14 அன்று கூச்சிங் போர்னியோ மருத்துவ மையத்தில் அனுமதிக்கப்பட்டுச் சிகிச்சை பெற்றார்.
பின்னர் ஆகஸ்ட் 20 முதல் சரவாக் பொது மருத்துவமனையின் அறுவை சிகிச்சை வார்டில் தொடர் கண்காணிப்பில் இருந்து வந்தார். இதற்கு முன்பாக இவர் சரவாக்கில் உள்ள மூக்கா மாவட்டப் போலிஸ் தலைவராகவும் சேவையாற்றியுள்ளார் என்பது குறிப்பிடத்தக்கது.
The post லாஹாட் டத்து துணைப் போலிஸ் தலைவர் ஜிம்மி பான்யாவ் காலமானார்! appeared first on Makkal Osai – மக்கள் ஓசை.
