“தலைமைத் தேர்தல் ஆணையர் ஞானேஷ் குமார் பதவி விலக வேண்டும்” – திருமாவளவன் வலியுறுத்தல் | India News (இந்தியா செய்திகள்)

இதனைத் தொடர்ந்து இந்தியா கூட்டணி ஆலோசனைக் கூட்டத்தில் எஸ்.ஐ.ஆர். மற்றும் இந்தியத் தலைமைத் தேர்தல் ஆணையர் ஞானேஷ் குமார் தொடர்பான விவகாரங்களில் பல்வேறு நடவடிக்கைகளை மேற்கொள்ளுமாறு திருமாவளவன் பேசியுள்ளார்.

இது குறித்து திருமாவளவன் தனது எக்ஸ் பக்கத்தில், “டெல்லியில் இன்று நடைபெற்ற இந்தியா கூட்டணிக் கட்சிகளின் கூட்டத்தில் விசிக சார்பில் உரையாற்றினேன். எனது உரையின் இறுதியில் பின்வரும் நடவடிக்கைகளை எடுக்குமாறு இந்தியா கூட்டணியைக் கேட்டுக்கொண்டேன்.

INDIA கூட்டணி பின்வரும் நடவடிக்கைகளை மேற்கொள்ளுமாறு கேட்டுக்கொள்கிறேன்: குற்றஞ்சாட்டப்பட்ட சட்டவிரோத நடவடிக்கைகள் தொடர்பாக தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்றும், அவர் கைது செய்யப்பட வேண்டும் என்றும் கோர வேண்டும். தற்போது நடைபெற்று வரும் SIR நடவடிக்கையை உடனடியாக நிறுத்தக் கோர வேண்டும்.