ஹோர்முஸ் நீரிணையை மீண்டும் திறப்பது தொடர்பாக ஈரான் முன்வைத்த உடன்பாட்டை அமெரிக்க ஜனாதிபதி டொனால்ட் ட்ரம்ப் நிராகரித்ததாக கூறும் அதே வேளை அமெரிக்க வெளியுறவுத்துறை செயலாளர் மார்கோ ரூபியோ ஈரானின் மனித உரிமைகள் மற்றும் சர்வதேச விதிமுறைகள் தொடர்பான நடவடிக்கைகளை கடுமையாக விமர்சித்துள்ளார்.
இது தொடர்பில் கருத்து வெளியிட்ட மார்கடகோ ரூபியோ, ஈரான் தனது சொந்த மக்களுக்கு எதிரான அடக்குமுறைகளை மேற்கொண்டுள்ளதாக குற்றஞ்சாட்யுள்ளார்.
மேலும் மனித உரிமைகள் மற்றும் சர்வதேச அமைப்பு குறித்து மற்ற நாடுகளுக்கு அறிவுரை வழங்கும் நிலையில் ஈரான் உள்ளதா எனவும் ரூபியோ கேள்வி எழுப்பியுள்ளார்.
ஹோர்முஸ் நீரிணை
அத்தோடு, பிராந்தியத்தில் செயல்படும் ஆயுதக் குழுக்களுக்கு ஈரான் ஆதரவளித்து, அண்டை நாடுகள், எரிசக்தி கட்டமைப்புகள் மற்றும் பொதுமக்கள் இலக்குகள் மீது தாக்குதல்கள் நடத்தப்படுவதாகவும் ரூபியோ குற்றஞ்சாட்டியுள்ளார்.
அண்டை நாடுகளின் இறையாண்மையை மீறுவதாகவும், அணுசக்தி தொடர்பான சர்வதேச விதிமுறைகளை ஈரான் மீறியுள்ளதாகவும் அவர் கூறியுள்ளார்.
இதனிடையே, ஈரான் ஜனாதிபதி பெசெஷ்கியான் ஐ.நா. பொதுச் சபையில் உரையாற்ற ஆரம்பித்தபோது, அமெரிக்க பிரதிநிதிகளில் ஒருவர் சபையிலிருந்து வெளியேறிய சம்பவமும் இடம்பெற்றுள்ளது.
பெசெஷ்கியான் தனது உரையில் அமெரிக்காவின் அழுத்தத்துக்கு ஈரான் அடிபணியாது என தெரிவித்ததுடன், அச்சுறுத்தல்கள் இன்றி பேச்சுவார்த்தை மற்றும் இராஜதந்திர நடவடிக்கைகளுக்கு ஈரான் தயாராக இருப்பதாகவும் கூறியுள்ளார்.
இந்நிலையில், நவம்பர் தொடக்கத்தில் நடைபெறவுள்ள அமெரிக்க இடைத்தேர்தலுக்குப் பின்னர் ஈரான் மீதான அமெரிக்க குண்டுவீச்சு நடவடிக்கையை மீண்டும் ஆரம்பிக்க ட்ரம்ப் எதிர்பார்ப்பதாகவும், தனது கோரிக்கைகளை ஈரான் நிறைவேற்றும் என்பதில் அவர் சந்தேகம் கொண்டுள்ளதாகவும் தெரிவிக்கபட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
