மும்பையில் வசித்து வரும் பிரபல நடிகர் கமல்ஹாசனின் மகளும், முன்னணி நடிகையுமான சுருதி ஹாசன், செயற்கை நுண்ணறிவு (AI) மற்றும் ‘டீப்பேக்’ தொழில்நுட்பத்தின் துஷ்பிரயோகத்திற்கு எதிராக மும்பை உயர் நீதிமன்றத்தில் வழக்குத் தொடர்ந்துள்ளார்.
தன் முகத்தை மார்பிங் செய்து இணையத்தில் பரப்பப்பட்டு வரும் ஆபாசப் படங்கள் மற்றும் வீடியோக்களை உடனடியாக நீக்க வேண்டும் எனவும், வணிகப் பயன்பாட்டிற்காக தன் பெயர் மற்றும் குரலை அனுமதியின்றிப் பயன்படுத்துவோரிடமிருந்து 15 கோடி ரூபாய் இழப்பீடு பெற்றுத் தர வேண்டும் எனவும் அவர் தனது மனுவில் கோரியுள்ளார்.
தொழில்நுட்ப வளர்ச்சியின் மறுபக்கமான இந்த நவீன இணையக் குற்றத்திற்கு எதிராக பிரபலங்கள் குரல் கொடுத்து வருவது திரைத்துறையில் பெரும் பரபரப்பை ஏற்படுத்தியுள்ளது.
