ஈரான் மீதான தாக்குதலை நிறுத்துவதாக ஜனாதிபதி ட்ரம்ப் அறிவித்துள்ள நிலையில் இஸ்ரேலின் பென் குரியன் விமான நிலையத்திற்கு மேலதிகமாக பத்து அமெரிக்க வான்வழி எரிபொருள் நிரப்பும் விமானங்கள் வந்துகொண்டிருப்பதாகவும், இதனால் அங்கு நிறுத்தப்பட்டுள்ள விமானங்களின் எண்ணிக்கை 40 ஆக உயர்ந்துள்ளதாகவும் இஸ்ரேலிய ஊடகங்கள் சனிக்கிழமை செய்தி வெளியிட்டுள்ளன.
ஏற்கனவே விமான நிலையத்தில் நிறுத்தப்பட்டுள்ள 30 அமெரிக்க எரிபொருள் நிரப்பும் விமானங்களுடன் இந்த விமானங்களும் இணையும் என எதிர்பார்க்கப்படுவதாக ‘தி கல்கலிஸ்ட்’ செய்தித்தாள் தெரிவித்துள்ளது.
விமான நிலையத்தில் நெருக்கடி
வழக்கத்திற்கு மாறாக அதிக எண்ணிக்கையிலான இராணுவ விமானங்கள் விமான நிலையத்தின் செயல்பாட்டுச் சுமையை கணிசமாக அதிகரித்துள்ளதாகவும், இதனால் சமீப நாட்களில் பயணிகள் விமானங்களில் சுமார் இரண்டு மணி நேர தாமதம் ஏற்பட்டுள்ளதாகவும், கூடுதல் விமானங்கள் வந்தவுடன் இந்த இடையூறுகள் மேலும் மோசமடையும் என எதிர்பார்க்கப்படுவதாகவும் இஸ்ரேல் விமான நிலைய ஆணையம் கூறியதாக அது மேற்கோள் காட்டியுள்ளது.
பொதுவாக ஜூலை மற்றும் ஓகஸ்ட் மாதங்களில் விமான நிலையத்தில் பயணிகளின் வருகை மிகவும் அதிகமாக இருக்கும் என அந்த அறிக்கை குறிப்பிட்டுள்ளது.
விமானங்களை மாற்ற உடன்பாடு
பென் குரியோன் விமான நிலையத்தில் உள்ள அமெரிக்க எரிபொருள் நிரப்பும் விமானங்களின் எண்ணிக்கையை ஜூலை 21-க்குள் 20 ஆகக் குறைக்கவும், மீதமுள்ள விமானங்களை இஸ்ரேலிய விமானப்படைத் தளங்களுக்கு மாற்றவும் ஒரு உடன்பாடு எட்டப்பட்டதாக இஸ்ரேலின் போக்குவரத்து அமைச்சகம் ஜூலை 15 அன்று அறிவித்தது.
பெப்ரவரி 28 அன்று ஈரானுக்கு எதிரான அமெரிக்க-இஸ்ரேலியப் போர் தொடங்கியதிலிருந்து, பென் குரியோன் விமான நிலையம் மற்றும் இஸ்ரேலில் உள்ள பிற இடங்களில் அமெரிக்க எரிபொருள் நிரப்பும் விமானங்கள் நிறுத்தப்பட்டுள்ளன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
