கடந்த ஜனவரி 13, 2026 அன்று பல்கலைக்கழக மானியக் குழு வெளியிட்ட ‘உயர்கல்வி நிறுவனங்களில் சமத்துவத்தை மேம்படுத்துவதற்கான விதிமுறைகள், 2026’ (Promotion of Equity in Higher Education Institutions Regulations, 2026) அவரது அமைச்சகத்திற்கு எதிரான முதல் மாபெரும் அரசியல் எதிர்ப்பாக வெடித்தது. சாதி, மதம்,இனம், பாலினம், பிறப்பிடம் அல்லது மாற்றுத்திறன் ஆகியவற்றின் அடிப்படையிலான பாகுபாடுகளை ஒழிப்பதையும், பாதுகாப்பான கல்விச் சூழலை உருவாக்குவதையும் இந்த விதிமுறைகள் நோக்கமாகக் கொண்டிருந்தன. குறிப்பாக பட்டியலின,பழங்குடியின, பிற்படுத்தப்பட்ட, பொருளாதாரத்தில் பின்தங்கிய பிரிவினர் மற்றும் மாற்றுத்திறனாளிகளின் பாதுகாப்பை உறுதி செய்யும் வகையில் இது அமைந்திருப்பதாக அறிவிக்கப்பட்டது.
