மத்திய கிழக்கில் அதிகரித்துள்ள பதற்றங்கள் காரணமாக, உலகெங்கிலும் உள்ள அனைத்து அமெரிக்கப் பணியாளர்களுக்கும் மிகுந்த எச்சரிக்கையுடனும் விழிப்புடனும் இருக்குமாறு, அமெரிக்க வெளியுறவுத் துறை ஒரு உலகளாவிய பாதுகாப்பு எச்சரிக்கையை விடுத்துள்ளது.
மத்திய கிழக்கில் உள்ள சிக்கலான பாதுகாப்புச் சூழல், எதிர்பாராத விதமாக அதிகரிக்க வாய்ப்புள்ளதாக அமெரிக்க வெளியுறவுத் துறை வெளியிட்டுள்ள அறிக்கையில் தெரிவிக்கப்பட்டுள்ளது.
மத்திய கிழக்கிற்கு வெளியே உள்ள அமெரிக்கத் தூதரகங்கள் மீது தாக்குதல்கள் நடத்தப்பட்டுள்ளன என்றும், ஈரான் மற்றும் ஈரான் ஆதரவுக் குழுக்கள், உலகெங்கிலும் உள்ள அமெரிக்க நிறுவனங்கள், வணிகங்கள் அல்லது அமெரிக்கக் குடிமக்கள் இருக்கும் இடங்களைத் தாக்கும் அபாயத்தில் உள்ளன என்றும் எச்சரிக்கை விடுக்கப்பட்டுள்ளது.
விமான ரத்துகள்
மேலும், தற்போது மத்திய கிழக்கில் உள்ள அமெரிக்கர்கள் விமான ரத்துகள் மற்றும் பயண இடையூறுகள் குறித்து விழிப்புடன் இருக்குமாறும் கேட்டுக் கொள்ளப்பட்டுள்ளது.
இதேவேளை, மத்திய கிழக்கிற்கு வெளியே உள்ள அமெரிக்கர்கள் அப்பகுதி வழியாகப் பயணம் செய்வதையோ அல்லது பார்வையிடுவதையோ மறுபரிசீலனை செய்யுமாறும் அமெரிக்க அரசாங்கம் தொடர்ந்தும் அறிவுறுத்தியுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
