Last Updated:
இணையத்தில் தனது பெயரையே எப்போதும் பேச வைக்கவும்கூடை இதுபோன்றொரு ஏஐ வீடியோவை அவர் பகிர்ந்திருக்கலாம் எனக்கூறப்படுகிறது.
உலகம் முழுவதும் தன்னை அனைவரும் விரும்புவதாக அமெரிக்க அதிபர் டிரம்ப் ஏஐ வீடியோ ஒன்றை வெளியிட்டுள்ளார். தனது ட்ரூத் சோசியல் தளத்தில் டிரம்ப் இந்த வீடியோவைப் பகிர்ந்துள்ளார். அந்தப் பாடலில் டிரம்ப்பைப் புகழும் வரிகள் இடம்பெற்றுள்ளன.
குடியரசுக் கட்சியைச் சேர்ந்த அந்தோனி கான்ஸ்டண்டினோ என்பவர் இந்த வீடியோவை உருவாக்கி இருக்கிறார். மெக்சிகோ, இத்தாலி, சீனா, இந்தியா, ஆப்பிரிக்கா உள்ளிட்ட நாடுகளைச் சேர்ந்த மக்கள் டிரம்ப்பின் மீது அதீத அன்பு வைத்திருப்பது போல அதன் காட்சிகள் உருவாக்கப்பட்டுள்ளன. மேலும் டிரம்ப் பாரா கிளைடிங் செய்வது போன்றும், நிலவில் நடப்பது போன்றும் ஏஐ காட்சிகள் இடம்பெற்றுள்ளன. அதேபோல டிரம்ப் ஒரு சிங்கத்தின் மீது சவாரி செய்வது, பாலைவனத்தில் ஒட்டகத்தின் மீது செல்வது, இந்தியாவில் மோட்டார் சைக்கிள் ஓட்டுவது போன்ற காட்சிகள் ஏஐ மூலம் உருவாக்கப்பட்டுள்ளன.
டிரம்ப் எப்போதும் தனது தனிப்பட்ட பிம்பத்திற்கும், தனக்கு இருக்கும் மக்கள் ஆதரவிற்கும் அதிக முக்கியத்துவம் கொடுப்பவர் என்பது நாம் எல்லோரும் அறிந்த விஷயமே. இந்த வீடியோவில் உலகம் முழுவதும் உள்ள மக்கள் தன்னை நேசிப்பது போலக் காட்டப்பட்டுள்ளதன் மூலம், தனக்கு அமெரிக்காவில் மட்டுமின்றி உலகம் முழுவதிலும் பெரிய அளவில் நல்ல பெயர் இருக்கிறது என்பதைத் தனது ஆதரவாளர்களுக்குக் காட்ட முயன்றுள்ளார் டிரம்ப்.
Click here to add News18 as your preferred news source on Google. 
