புத்தளத்தில் உள்ள அனுராதபுர வீதியில், 27-வது கட்டை பகுதியில் கடந்த 1-ஆம் திகதி நிகழ்ந்த கோர விபத்தில் காயமடைந்த தாயும் அவரது இளம் மகளும் துரதிஷ்டவசமாக உயிரிழந்ததாக ராஜங்கனை காவல்துறை தெரிவித்துள்ளது.
உயிரிழந்தவர்கள், ஒரு தன்னார்வ தொண்டு நிறுவனத்தின் நிர்வாக அதிகாரியான 52 வயதான சமுத்ரா அலுவிஹாரே மற்றும் அவரது மூத்த மகளும், ஒரு குழந்தைக்குத் தாயுமான 32 வயதான சஜீனி மகேஷிகா என அடையாளம் காணப்பட்டுள்ளனர்.
மோட்டார் சைக்கிள் மீது மோதிய முச்சக்கர வாகனம்
புத்தளத்தில் உள்ள அனுராதபுர வீதியில், 27-வது கட்டை பகுதியில், தாயும் மகளும் பயணித்த மோட்டார் சைக்கிள் மீது ஒரு முச்சக்கர வாகனம் மோதியதில் இந்த கோரமான விபத்து நிகழ்ந்தது.
தாயும் மகளும் அனுராதபுர போதனா மருத்துவமனைக்கு கொண்டு செல்லப்பட்டனர். அங்கு மகள் 2-ஆம் திகதியும், தீவிர சிகிச்சைப் பிரிவில் சிகிச்சை பெற்று வந்த தாய் இன்று காலையும் உயிரிழந்ததாக காவல்துறை தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
