கோலாலம்பூர்: இந்த மாத தொடக்கத்தில் நடந்த கார் விபத்தில், வங்கதேசத்தைச் சேர்ந்த இன்ஃப்ளூயன்சர் மற்றும் கன்டென்ட் கிரியேட்டர் ஒருவரைக் கொலை செய்ததாக, ஒரு ராணுவ அதிகாரி மீது இன்று மாஜிஸ்திரேட் நீதிமன்றத்தில் குற்றச்சாட்டு பதிவு செய்யப்பட்டது. ஏப்ரல் 23 அன்று, சலாக் செலத்தானிலிருந்து ஜாலான் துன் ரசாக் செல்லும் மாஜு விரைவுச்சாலையின் 1.9 கி.மீ. தொலைவில், முசாஹித் மில்லாத்தைக் கொலை செய்ததாக ஜாத் ஃபைத் அர்ஹான் மீது குற்றம் சாட்டப்பட்டுள்ளது.
குற்றம் நிரூபிக்கப்பட்டால், அவருக்கு மரண தண்டனை அல்லது 30 முதல் 40 ஆண்டுகள் வரையிலான சிறைத் தண்டனையும், பிரம்படிகளும் விதிக்கப்படும். கொலைக் குற்றச்சாட்டைப் புரிந்துகொண்டதாக அவர் நீதிமன்றத்தில் தெரிவித்தார். மாஜிஸ்திரேட் இல்லி மரிஸ்கா கலிசான், ஜூலை 21-ஆம் தேதியை விசாரணைக்குத் தேதியாக நிர்ணயித்தார். குற்றம் சாட்டப்பட்டவருக்கு ஜாமீன் வழங்கப்படவில்லை.
