ராஜதந்திரத்திற்கு அப்பால், ஜோர்டான் அரச குடும்பம் இந்திய துணைக்கண்டத்துடன் ஆழமான உறவுகளைக் கொண்டுள்ளது. 1947ஆம் ஆண்டு கொல்கத்தாவில் சர்வத் இக்ரமுல்லாவாகப் பிறந்த இளவரசி சர்வத் அல் ஹசன், இதில் பெரும் பங்களிப்பைச் செய்துள்ளார்.
ஜோர்டானின் இளவரசி சர்வத் எல். ஹசன் இந்தியா-பாகிஸ்தான் பிரிவினைக்கு சில வாரங்களுக்கு முன்பு, 1947ஆம் ஆண்டு கொல்கத்தாவில் பிறந்தார், அவர் ஒரு பிரபலமான வங்காள முஸ்லிம் குடும்பத்தைச் சேர்ந்தவர்.
அவரது தந்தை இந்திய குடிமைப் பணியில் பணியாற்றினார் மற்றும் நாட்டின் பிரிவினைக்குப் பிறகு பாகிஸ்தானின் முதல் வெளியுறவு செயலாளராக ஆனார். அவரது தாயாரும் பாகிஸ்தானின் முதல் பெண் நாடாளுமன்ற உறுப்பினர்களில் ஒருவர். அவர் மொராக்கோவிற்கு தூதராகவும் பணியாற்றினார். பிரிட்டனில் கல்வி கற்ற சர்வத், தனது தந்தையின் வேலை காரணமாக ஐரோப்பா மற்றும் தெற்காசியாவில் வளர்ந்தார். சர்வத் முதன்முதலில் ஜோர்டானிய அரச குடும்பத்தைச் சேர்ந்த இளவரசர் ஹசன் பின் தலாலை லண்டனில் சந்தித்தார். இந்த அறிமுகம் காதலாக மாறியது.
இதனையடுத்து ஆகஸ்ட் 28, 1968 அன்று, சர்வத் இக்ரமுல்லாவும், இளவரசர் தலால் ஹசனும் கராச்சியில் திருமணம் செய்து கொண்டனர். அவர்களின் திருமணம் பாகிஸ்தான், ஜோர்டான் மற்றும் மேற்கத்திய மரபுகளின் கலவையாக இருந்தது. அவர்களுக்கு நான்கு குழந்தைகள் உள்ளனர், அதாவது ரஹ்மா, சுமயா என்ற இளவரசிகளும் மற்றும் பதியா, ரஷித் என்ற இளவரசர்களும் உள்ளனர்.
1968 முதல் 1999 வரை ஹாசன் ஜோர்டானின் பட்டத்து இளவரசராக இருந்தபோது, சர்வத் இளவரசியாக கல்வி, சமூக நலன் மற்றும் பெண்கள் அதிகாரமளிப்புக்காக கடுமையாக உழைத்தார். அவர் 1981ஆம் ஆண்டில் ஜோர்டானின் முதல் இருமொழி சர்வதேச இளங்கலை கல்வி நிறுவனமான அம்மான் இளங்கலைப் பள்ளியை நிறுவினார். இளம் பெண்கள் மற்றும் மாற்றுத்திறனாளிகளுக்கான சிறப்புக் கல்வி மையம் (1974) மற்றும் இளவரசி சர்வத் சமூகக் கல்லூரி (1980) ஆகியவையும் திறக்கப்பட்டன.
ஜோர்டானில் டேக்வாண்டோவில் பிளாக் பெல்ட் பெற்ற முதல் பெண் இளவரசி சர்வத் ஆவார். அவர் ஜோர்டான் பேட்மிண்டன் கூட்டமைப்பின் கௌரவத் தலைவராகவும் பணியாற்றினார் மற்றும் மனிதாபிமான முயற்சிகளுக்கு தலைமை தாங்கினார், இதில் 1991 வளைகுடா போரின்போது, ஜோர்டான் மற்றும் ஈராக்கிற்கான பொருட்களுக்காக $1 மில்லியனுக்கும் அதிகமான தொகை திரட்டப்பட்டது. இதனையடுத்து 1999ஆம் ஆண்டு மன்னர் ஹுசைன் தனது சகோதரர் ஹாசனுக்குப் பதிலாக தனது மகன் அப்துல்லாவை வாரிசாக அறிவித்தபோது, பட்டத்து இளவரசர் பதவி முடிவுக்கு வந்தது.
இளவரசி சர்வத்தின் சேவைகள் சர்வதேச அங்கீகாரத்தைப் பெற்றுள்ளன. அவர் 1995ஆம் ஆண்டு அமைதிப் பெண்கள் விருதையும், 1994இல் மறுமலர்ச்சியின் கிராண்ட் கார்டன் விருதையும், 2002இல் பாகிஸ்தான் ஹிலாலே இம்தியாஸையும், 2015இல் பாத் பல்கலைக்கழகம் மற்றும் நியூ பிரன்சுவிக் பல்கலைக்கழகத்திலிருந்து கௌரவப் பட்டங்களையும் பெற்றார்.
Click here to add News18 as your preferred news source on Google. பாகிஸ்தானில் திருமணம் செய்து ஜோர்டானின் பட்டத்து இளவரசியான இந்தியப் பெண்…! யார் தெரியுமா…?
