இண்டிகோ விமானங்கள் ரத்தானபோது.. பயணிகளுக்கு ஹேப்பி நியூஸ் சொன்ன ஏர் இந்தியா நிறுவனம்! | இந்தியா

அதனைத் தொடர்ந்து, 500 கிலோ மீட்டருக்கு குறைவான தொலைவுக்கு அதிகபட்ச விமான கட்டணமாக 7 ஆயிரத்து 500 ரூபாய் நிர்ணயம் செய்யப்பட்டது. இதேபோன்று தூரங்களுக்கு ஏற்ப கட்டணங்கள் நிர்ணயிக்கப்பட்ட நிலையில், உச்ச வரம்பை மீறி விமானக் கட்டணம் வசூலிக்கக் கூடாது என எச்சரிக்கை விடுக்கப்பட்டது.

இந்த நிலையில், மத்திய அரசின் உத்தரவுக்கு இணங்க, ஏர் இந்தியா மற்றும் அதன் துணை நிறுவனமான ஏர் இந்தியா எக்ஸ்பிரஸ் ஆகிய இரண்டும் புதிய கட்டணங்களை அமல்படுத்தும் பணியை தொடங்கியதாக தெரிவித்துள்ளது. அடுத்த சில மணி நேரத்தில் படிப்படியாக முழுவதும் அமல்படுத்தப்படும் என்றும் தெரிவித்துள்ளது.

மேலும், இந்த இடைப்பட்ட காலத்தில் எகனாமிக் வகுப்பில் முன்பதிவு செய்திருந்த பயணிகள், கூடுதலாக செலுத்திய கட்டணத்தை திரும்ப பெறலாம் என்றும் தெரிவித்துள்ளது.