Last Updated:
உக்ரைன் போரை ரஷ்யா முடிக்காவிட்டால் கடுமையான வரி விதிப்பை அமெரிக்கா விதிக்கும் என அறிவித்தார்.
உக்ரைன் போரை முடிவுக்கு கொண்டு வருமாறு ரஷ்யாவை டிரம்ப் எச்சரித்துள்ளார்.
உக்ரைன் மீதான போரை 50 நாட்களில் முடிவுக்கு கொண்டு வராவிட்டால் ரஷ்யா மீதான வரி விதிப்பு கடுமையாகும் என அமெரிக்க அதிபர் டிரம்ப் எச்சரித்துள்ளார்.
வாஷிங்டனில் அமெரிக்க அதிபர் டிரம்பை நேட்டோ அமைப்பின் பொதுச் செயலாளர் மார்க் ரூட் சந்தித்துப் பேசினார். அதன்பின் செய்தியாளர்களிடம் பேசிய டிரம்ப், உக்ரைனுக்கு அதிநவீன ஆயுதங்களை நேட்டோ நாடுகள் மூலம் வழங்க உள்ளதாகக் கூறினார். போர் நிறுத்த ஒப்பந்த விவகாரத்தில் ரஷ்ய அதிபர் புதினின் நடவடிக்கை ஏமாற்றம் அளிப்பதாகக் கூறிய அவர், அடுத்த 50 நாட்களுக்குள் உக்ரைன் உடன் போர் நிறுத்தத்திற்கு புதின் ஒப்புக் கொள்ளாவிட்டால் ரஷ்யா மீதான வரி விதிப்பு கடுமையாகும் என்றும் தெரிவித்தார்.
மேலும் ரஷ்ய பொருட்களை இறக்குமதி செய்யும் நாடுகளுக்கு தடைவிதிக்க பரிசீலித்து வருவதாகவும் டிரம்ப் கூறினார். இதை தொடர்ந்து பேசிய நேட்டோ பொதுச் செயலாளர் மார்க் ரூட், நேட்டோ நாடுகள் மூலம் உக்ரைனுக்குத் தேவையான ஆயுதங்களை பெருமளவில் வழங்க அமெரிக்கா முடிவு செய்துள்ளதாகவும், ஐரோப்பிய நாடுகள் அதற்கான நிதியை வழங்கும் என்றும் தெரிவித்தார்.
ரஷ்யாவின் தாக்குதல்களைத் தடுக்க பேட்ரியாட் வான் பாதுகாப்பு அமைப்புகளை உக்ரைனுக்கு நேட்டோ நாடுகள் வழங்கும் என்றும் மார்க் ரூட் தெரிவித்தார்.
July 15, 2025 12:08 PM IST
