Last Updated:
போர்ச்சுகல் கால்பந்து வீரர் ரொனால்டோ, தனது நீண்ட நாள் காதலி ஜார்ஜியானா ரொட்ரிகஸை விரைவில் திருமணம் செய்ய உள்ளார்.
5 குழந்தைகளுக்கு தந்தையான போர்ச்சுகல் கால்பந்து வீரர் ரொனால்டோ, தனது நீண்ட நாள் காதலியை கரம் பிடிக்க உள்ளார்.
போர்ச்சுக்கல் கால்பந்து ஜாம்பவானும், அல் நசீர் அணியின் நட்சத்திரமுமான கிறிஸ்டியானோ ரொனால்டோ, 31 வயதான ஜார்ஜியானா ரொட்ரிகஸை 8 ஆண்டுகளாக காதலித்து வருகிறார். இந்த ஜோடிக்கு ஐந்து குழந்தைகள் இருக்கும் நிலையில் திருமணம் செய்யாமலேயே ‘டேட்’ செய்து வருகின்றனர்.
இந்நிலையில், ஜார்ஜியானா தனது கைவிரலில் வைர மோதிரத்தை அணிந்திருக்கும் புகைப்படத்தை சமூக வலைதளத்தில் பதிவிட்டுள்ளார். திருமணத்திற்கு ஓகே சொல்லிவிட்டேன் எனவும் ஜார்ஜியானா தனது பதிவில் குறிப்பிட்டுள்ளார். இதையடுத்து, இருவருக்கும் விரைவில் திருமணம் செய்ய இருப்பது உறுதியாகியுள்ளது.
இதனிடையே, ஜார்ஜியானா விரல்களில் அணிந்திருந்த வைர மோதிரம் கவனம் ஈர்த்துள்ளது. இந்த மோதிரம் 15 முதல் 20 காரட் கொண்டதாக இருக்கும் எனக் கூறப்படுகிறது. அதன்படி, அதன் விலை சுமார் 40 கோடி ரூபாய் வரை இருக்க வாய்ப்புள்ளதாகத் தெரிகிறது.
August 13, 2025 10:25 AM IST
