2024-25 பார்டர்-கவாஸ்கர் கோப்பை நடைபெற்ற பிறகு, இந்திய அணி மீண்டும் ஆஸ்திரேலியாவுக்கு சுற்றுப்பயணம் மேற்கொள்ளவுள்ளது. அடுத்த ஆண்டு இந்தியா மற்றும் இலங்கையில் நடைபெறவுள்ள ஆண்கள் டி20 உலகக் கோப்பைக்கு இரு அணிகளும் தயாராகும் வகையில் டி20 போட்டிகள் மற்றும் ஒருநாள் போட்டிகளுக்கான அட்டவணை வெளியாகியுள்ளது.
பிப்ரவரி-மார்ச் மாதங்களில் இந்திய பெண்கள் அணி ஆஸ்திரேலியாவில் சுற்றுப்பயணம் மேற்கொள்கிறது. அதற்கு முன்னதாக இந்திய ஆண்கள் அணியும் ஆஸ்திரேலியாவுடன் விளையாடவுள்ளது.
“நாடு முழுவதும் உள்ள ரசிகர்களுக்கு சர்வதேச கிரிக்கெட்டை கொண்டு வர நாங்கள் ஆவலுடன் காத்திருக்கிறோம். 11 நகரங்களில் 14 மைதானங்களில், 17 ஆண்டுகளில் முதல்முறையாக ஒவ்வொரு மாநில மற்றும் பிரதேச தலைநகரிலும் போட்டிகள் நடைபெறுகின்றன.
கடந்த கோடை காலத்தில் பார்வையாளர்கள் மற்றும் டிஜிட்டல் ஈடுபாட்டில் சாதனைகள் படைத்தோம், மேலும் இந்த வேகம் தொடரும் என்று நாங்கள் நம்புகிறோம். ஆஸ்திரேலியாவின் தேசிய விளையாட்டு அரங்கங்களில் அற்புத அனுபவங்களை வழங்குவதில் மற்றும் நாடு முழுவதும் பங்கேற்பை ஊக்குவிப்பதில் எங்கள் அனைத்து கூட்டாளர்களின் ஒத்துழைப்புக்கும் நன்றி,” என்று ஆஸ்திரேலிய கிரிக்கெட் வாரியத்தின் தலைமை நிர்வாகி டாட் க்ரீன்பெர்க் கூறினார்.
இந்தியா – ஆஸ்திரேலியா போட்டி அட்டவணை:
ஒருநாள் போட்டிகள்:
அக்டோபர் 19 – முதல் ஒருநாள் போட்டி: பெர்த் ஸ்டேடியம், பெர்த்
அக்டோபர் 23 – இரண்டாவது ஒருநாள் போட்டி: அடிலெய்டு ஓவல், அடிலெய்டு
அக்டோபர் 25 – மூன்றாவது ஒருநாள் போட்டி: எஸ்சிஜி, சிட்னி
இதையும் படிக்க: ”உடலுறவுக்காக போதைப்பொருள்…” – ஷேன் வார்ன் மரணத்தில் வெளியான தகவல்
டி20 போட்டிகள்:
அக்டோபர் 29 – முதல் டி20: மனுகா ஓவல், கான்பெரா
அக்டோபர் 31 – இரண்டாவது டி20: எம்சிஜி, மெல்போர்ன்
நவம்பர் 2 – மூன்றாவது டி20: பெல்லரிவ் ஓவல், ஹோபார்ட்
நவம்பர் 6 – நான்காவது டி20: கோல்ட் கோஸ்ட் ஸ்டேடியம், கோல்ட் கோஸ்ட்
நவம்பர் 8 – ஐந்தாவது டி20: தி கப்பா, பிரிஸ்பேன்
March 30, 2025 4:21 PM IST
