20 கோடி ரூபாய்க்கும் அதிக மதிப்புள்ள 8 கிலோகிராம் ஐஸ் மற்றும் 4 கிலோகிராம் ஹெரோயின் ஆகிய போதைப்பொருட்களுடன் ஒரு போதைப்பொருள் கடத்தல்காரரின் சகா கைது செய்யப்பட்டுள்ளார்.
குறித்த கைது நடவடிக்கையானது, இன்று(02) கொழும்பு குற்றப் பிரிவினால் (CCD) மேற்கொள்ளப்பட்டுள்ளது.
கிடைக்கப்பெற்ற உளவுத் தகவலின் அடிப்படையில், வெல்லம்பிட்டிய, சேதவத்தை பகுதியில் நடத்தப்பட்ட ஒரு சிறப்பு சோதனையின் போது சந்தேக நபர் கைது செய்யப்பட்டுள்ளார்.
மேலதிக விசாரணை
கைது செய்யப்பட்ட சந்தேகநபர், “சேதவத்த கசுன்” என்ற போதைப்பொருள் கடத்தல்காரின் போதைப்பொருள் விற்பனையாளராக செயல்பட்டு வந்தது காவல்துறையினரின் ஆரம்பகட்ட விசாரணையில் தெரியவந்துள்ளது.
இந்நிலையில், கொழும்பு மாவட்டப் பொறுப்பு பிரதி காவல்துறை மா அதிபர்(DIG) நிஷாந்த சொய்சாவின் நேரடி மேற்பார்வை மற்றும் வழிகாட்டுதலின் கீழ், கொழும்பு குற்றப் பிரிவால் இச்சம்பவம் தொடர்பான மேலதிக விசாரணைகள் நடத்தப்பட்டு வருகின்றன.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
