பொருட்களை இறக்குமதி செய்யாமல் போலி நிறுவனங்கள் மூலம் 2.5 கோடி அமெரிக்க டொலர்களை வெளிநாட்டு வங்கிக் கணக்குகளுக்குப் பரிமாற்றம் செய்த மற்றொரு சந்தேகநபர் ஒருவர் கைது செய்யப்பட்டுள்ளார்.
நிதி மோசடி விசாரணை பிரிவு (FCID) இந்த கைது நடவடிக்கையை முன்னெடுத்துள்ளது.
வெல்லம்பிட்டியைச் சேர்ந்த 25 வயதான நபர் ஒருவரே இவ்வாறு கைது செய்யப்பட்டுள்ளார்.
வெளிநாட்டு நிறுவனங்கள்
குறித்த நபரின் வர்த்தக வங்கிகள் ஊடாக TT (Telegraphic Transfers) முறைமையைப் பயன்படுத்தி இப் பெருந்தொகையை நாட்டிலிருந்து வெளியேற்றியுள்ளதாகக் குற்றம் சுமத்தப்பட்டுள்ளது.
உள்நாட்டில் 6 நிறுவனங்களின் பெயர்களில் வெளிநாட்டு நிறுவனங்களுக்குப் பொருட்களை முன்பதிவு செய்வதாகக் காண்பித்துச் சந்தேகநபர் இந்த நிதி மோசடியைச் செய்துள்ளார்.
2024 ஜனவரி முதல் 2025 ஜூலை வரையிலான காலப்பகுதியில் இந்நிதி வெளிநாடுகளுக்கு அனுப்பப்பட்டுள்ள போதிலும் குறித்த பரிவர்த்தனைகளுக்குரிய எந்தப் பொருட்களும் இறக்குமதி செய்யப்படவில்லை என்பது விசாரணைகளில் தெரியவந்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
