விசாகப்பட்டினம்: ஐபிஎல் கிரிக்கெட் போட்டியில், சன் ரைசர்ஸ் ஹைதராபாத் அணிக்கெதிராக 5 விக்கெட்களை வீழ்த்தி சாதனை படைத்தார்.
டெல்லி கேபிடல்ஸ் அணி வீரர் மிட்செல் ஸ்டார்க். விசாகப்பட்டினத்தில் நேற்று நடைபெற்ற போட்டியின்போது அவர் 35 ரன்கள் கொடுத்து 5 விக்கெட்களைக் கைப்பற்றினார். இதன் மூலம் டெல்லி அணிக்காக ஒரு போட்டியில் 5 விக்கெட்களை வீழ்த்திய 2-வது வீரர் என்ற பெருமையை ஸ்டார்க் பெற்றார்.
இதற்கு முன்பு டெல்லி அணிக்காக, அமித் மிஸ்ரா கடந்த 2008-ம் ஆண்டு 5 விக்கெட்களைச் சாய்த்தார். 17 ஆண்டுகளுக்குப் பிறகு அந்த சாதனையை தற்போது சமன் செய்துள்ளார் மிட்செல் ஸ்டார்க். நேற்றைய போட்டியின் முடிவில் மொத்தம் 8 விக்கெட்களைக் கைப்பற்றி அதிக விக்கெட்களை கைப்பற்றியவர் பட்டியலில் முதலிடத்தை சிஎஸ்கே அணியின் நூர்அகமதுவுடன் பகிர்ந்து கொண்டுள்ளார்.
