150 ஆவது சர்வதேச மேட்ச்சை நிறைவு செய்த கோல் கீப்பர் கிரிஷன் பதக்.. ஹாக்கி இந்தியா பாராட்டு | விளையாட்டு

பஞ்சாபில் உள்ள கபூர்யலாவைச் சேர்ந்த கிருஷ்ணன், 2016 ஆம் ஆண்டு லக்னோவில் நடைபெற்ற FIH ஜூனியர் உலகக் கோப்பையில் தங்கம் வென்ற இந்திய ஜூனியர் அணியின் ஒரு அங்கமாகப் பெரும் கவனத்தைப் பெற்றார்.

இதையடுத்து அவர் 2018 ஆம் ஆண்டு ஜனவரி மாதம் ஜப்பானுக்கு எதிராக நடந்த நான்கு நாடுகள் போட்டியில் இந்திய சீனியர் அணிக்கு அறிமுகமானார். அதன் பிறகு, அணியில் தனது இடத்தை உறுதியாகப் பிடித்துக்கொண்டார்

சர்வதேச அரங்கில் கிருஷ்ணன் பி. பதக்கின் பங்களிப்பு இந்திய அணிக்கு பல வெற்றிகளைக் கொண்டு வந்துள்ளது. 2019 மற்றும் 2022 ஆகிய ஆண்டுகளில், ‘ஹாக்கி இந்தியா பல்ஜித் சிங் விருது’களைப் பெற்று, சிறந்த கோல்கீப்பர் எனப் பாராட்டப்பட்டார்.

2024 பாரிஸ் ஒலிம்பிக் போட்டிக்குப் பிறகு, அனுபவமிக்க கோல்கீப்பர் பி.ஆர். ஸ்ரீஜேஷ் ஓய்வு பெற்றதையடுத்து, தற்போது இந்திய அணியின் முதன்மை கோல்கீப்பராக கிரிஷன் பதக் திகழ்கிறார்

இந்நிலையில் 150 ஆவது சர்வதேச போட்டிகளில் பங்கேற்று முடித்துள்ள கோல் கீப்பர் கிரிஷன் பதக்கிற்கு ஹாக்கி இந்தியா அமைப்பு பாராட்டுகளை தெரிவித்துள்ளது.