ஹோர்முஸ் நீரிணை வழியே ஈரான் துறைமுகங்களை நோக்கியும் அங்கிருந்து வெளியேறவும் முயன்ற 133 வணிகக் கப்பல்கள் வழிமறிக்கப்பட்டு அவைகளின் பாதைகள் மாற்றியமைக்கப்பட்டுள்ளதாக அமெரிக்க மத்திய கட்டளையகம் தெரிவித்துள்ளது.
இந்திலையில் ஈரான் மீதான அமெரிக்காவின் கடல்சார் முற்றுகை இரும்புக் கரம் கொண்டு உறுதியாக நடைமுறைப்படுத்தப்பட்டு வருவதாக கட்டளையகம் தெரிவித்துள்ளது.
யுஎஸ்எஸ் ஜான் பால் ஜோன்ஸ் (USS John Paul Jones) என்ற ஏவுகணைப் போர்க்கப்பலின் தளத்திலிருந்து அமெரிக்கக் கடற்படையின் சீ ஹாக் (Sea Hawk) ஹெலிகாப்டர் புறப்படும் காட்சிகளை வெளியிட்டுஇ ப்போராட்டப் பணிகளின் தீவிரத்தை அமெரிக்க இராணுவம் உறுதிப்படுத்தியுள்ளது.
ஹோர்முஸ் நீரிணை
அமெரிக்கா மற்றும் ஈரான் இடையிலான போரை முடிவுக்குக் கொண்டுவருவதற்காக நடைபெற்று வரும் தூதரக பேச்சுவார்த்தைகளில் ஹோர்முஸ் நீரிணையின் மீதான கட்டுப்பாட்டை யார் வைப்பது என்ற விவகாரமே முதன்மைச் சிக்கலாக நீடித்து வருகிறது.
ஹோர்முஸ் நீரிணையை முழுமையாகத் திறக்க வேண்டும் என ஈரான் நிபந்தனை விதித்து வரும் வேளையில் ஈரானிய துறைமுகங்களுக்குச் செல்லும் வணிகப் போக்குவரத்தைத் தடுக்கும் முற்றுகையை அமெரிக்கா மேலும் தீவிரப்படுத்தியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
