12ஆவது குழந்தைக்கு தந்தை… உண்மையை போட்டுடைத்த எலான் மஸ்க் !

டெஸ்லா ஓனர் எலான் மஸ்குக்கு ரகசிய குழந்தை பிறந்ததாக செய்தி வெளியான நிலையில், உங்களுக்குதான் அது ரகசியம், எனக்கில்லை என எலான் மஸ்க் கிண்டலாக பதிவிட்டுள்ளார்.

டெஸ்லா, எக்ஸ் நிறுவனங்களின் ஓனரான எலான் மஸ்க் ஏ.ஐ. மனிதனின் மூளையை தொழில்நுட்பத்துடன் இணைக்கும் Neuralink போன்ற நிறுவனங்களையும் நடத்தி வருகிறார். artificial intelligence துறையில் கலக்கி வரும் ChatGpt-யை உருவாக்கியவர்களில் ஒருவரான மஸ்க் பின்னர் அதிலிருந்து விலகிவிட்டார்.
நவீன தொழில்நுட்பத்தில் தீவிர கவனம் செலுத்தும் மஸ்க், உலகம் முழுவதும் குழந்தை பிறப்பு விகிதம் குறைந்து வருவது குறித்து அவ்வப்போது கவலை தெரிவித்து வருகிறார்..

அதை தனது சொந்த வாழ்க்கையிலும் செயல்படுத்தி வருவதிலும் மஸ்க் தவறவில்லை. ஜஸ்டின் வில்சன் என்பவரை முதலில் மணந்த மஸ்க்கு 2002 ஆம் ஆண்டு பிறந்த குழந்தை இறந்துவிட்டது. இதையடுத்து ஜஸ்டின் வில்சன் மூலம் மஸ்க்குக்கு 2004 ஆம் ஆண்டு இரட்டைக் குழந்தைகள் பிறந்தன. பின்னர் செயற்கை கருத்தரிப்பு முறையில் மஸ்க்கு Kai, Saxon, Damian என்ற 3 குழந்தைகள் ஒரே நேரத்தில் பிறந்தன.

2008 ஆம் ஆண்டு வில்சனை விவாகரத்து செய்த மஸ்க், Riley என்பவரை திருமணம் செய்து கொண்டார். எனினும் அவர் மூலம் மஸ்க் குழந்தை ஏதும் பெற்றுக் கொள்ளவில்லை. இதையடுத்து கனடாவைச் சேர்ந்த Grimes என்பவருடன் Relationship-ல் இருந்தார் மஸ்க். இவர் மூலம் 3 குழந்தைகளுக்கு தந்தையானார். இதுதவிர தனது Neuralink Executive Shivon Zilis மூலம் இரட்டை குழந்தைக்கு தந்தையானார்.

Shivon Zilis தற்போது 3 வது குழந்தையை பெற்றுள்ளதாக ஊடகங்களில் செய்தி வெளியானது. மஸ்க் 12 ஆவது முறையாக தந்தையானதாக கூறப்பட்ட நிலையில், ரகசிய குழந்தையா என கேள்வி எழுப்பட்டது. வழக்கம்போல் தனது கிண்டலான முறையில் பதில் அளித்துள்ள மஸ்க். உங்களுக்குதான் அது ரகசியம், எனது குடும்பத்துக்கும் நண்பர்களுக்கும் அது ஏற்கனவே தெரியும் என அதிர வைத்தார்.

வறுமையின் நிறம் சிவப்பு முதல் விக்ரம் வரை OTT-யில் பார்க்கவேண்டிய 9 சிறந்த கமல்ஹாசன் படங்கள்.!
மேலும் செய்திகள்…