100 நாள் வேலை ஊதியத்தில் ரூ.7 உயர்வு; மோடி அரசு ரூ.700 கோடிக்கு விளம்பரம் செய்யும் – ராகுல் சாடல்

அதன்படி, தமிழ்நாட்டிற்கு கடந்த ஆண்டு 281 ரூபாயில் இருந்து 294 ரூபாயாக ஊதியம் அதிகரிக்கப்பட்டது. தற்போது, 100 நாள் வேலைக்கான தினசரி ஊதியத்தில் மேலும் 25 ரூபாயை அதிகரித்து மத்திய அரசு ஆணை வெளியிட்டுள்ளது. இதன்மூலம், தமிழ்நாடு மற்றும் புதுச்சேரியில் வரும் ஏப்ரல் ஒன்றாம் தேதி முதல், 100 நாள் திட்டத்தின் தினசரி ஊதியம் 319 ரூபாயாக வழங்கப்படும் என தெரிவிக்கப்பட்டுள்ளது.

இந்நிலையில், 100 நாள் வேலை திட்டத்துக்கான ஊதியத்தை 7 ரூபாய் உயர்த்தி விட்டு, 700 கோடி ரூபாய்க்கு பிரதமர் மோடி விளம்பரம் செய்ய இருப்பதாக ராகுல் காந்தி விமர்சித்துள்ளார். நாடு முழுவதும் மகாத்மா காந்தி தேசிய ஊரக வேலை வாய்ப்புக்கான ஊதியத்தை 3 முதல் 10.5 சதவிகிதம் வரை உயர்த்தி உள்ள மத்திய அரசு, உத்தரப் பிரதேசத்தில் 7 ரூபாய் மட்டுமே ஊதியம் உயர்த்தப்பட்டதற்கு காங்கிரஸ் கட்சி கடும் கண்டனத்தை முன்வைத்துள்ளது.

இதுதொடர்பாக, தனது எக்ஸ் பக்கத்தில் பதிவிட்டுள்ள காங்கிரஸ் எம்.பி. ராகுல் காந்தி, 100 நாள் வேலை திட்டத்திற்கான ஊதியத்தை 7 ரூபாய் உயர்த்தியதற்கு வாழ்த்துகள் என்று சாடியுள்ளார். இவ்வளவு அதிகத் தொகையை வைத்துக் கொண்டு, மக்களே என்ன செய்யப் போகிறீர்கள் என்று பிரதமர் மோடி கேள்வி எழுப்பலாம் எனவும் ராகுல் விமர்சித்துள்ளார். அதே சமயம், இந்த ஊதிய உயர்வை வைத்து, 700 கோடி ரூபாய் செலவு செய்து, பிரதமருக்கு மக்கள் நன்றி சொல்வது போன்று பாஜக விளம்பரங்கள் செய்யும் என்றும் ராகுல் சாடினார்.

இந்தியா கூட்டணி ஆட்சி அமைந்த உடன், 100 நாள் வேலை திட்ட ஊதியத்தை நாளொன்றுக்கு 400 ரூபாயாக உயர்த்தப்படும் என்பதை மக்கள் நினைவில் கொள்ள வேண்டுமென ராகுல் காந்தி  குறிப்பிட்டுள்ளார்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…