Last Updated:
இந்தியா-பாகிஸ்தான் போட்டியை உலகம் முழுவதும் சுமார் 20 கோடிக்கும் அதிகமானோர் நேரலையில் பார்ப்பார்கள் என்று எதிர்பார்க்கப்படுகிறது.
உலகக்கோப்பை கிரிக்கெட் தொடரில் இந்தியா மற்றும் பாகிஸ்தான் இடையிலான போட்டி இன்று நடைபெறவுள்ள நிலையில், போட்டியின்போது ஒளிபரப்பாகும் விளம்பரங்களுக்கு 10 வினாடிகளுக்கு ரூ. 40 லட்சம் கட்டணம் என தகவல்கள் வெளிவந்துள்ளன.
நடப்பு டி20 உலகக் கோப்பையில் இந்தியாவுடன் விளையாட மாட்டோம் என முதல் முரண்டு பிடித்த பாகிஸ்தான் நீண்ட பேச்சுவார்த்தைக்கு பின்னர் விளையாட ஒப்புக்கொண்டது.. இதனால் கொழும்புவில் நடைபெறும் இப்போட்டி கூடுதல் கவனத்தையும் பெற்றுள்ளது. T20 உலகக் கோப்பை தொடரை பொறுத்தவரை, இந்தியாவும் பாகிஸ்தானும் இதுவரை 8 போட்டிகளில் விளையாடியுள்ளன.
இதில் 7 போட்டிகளில் இந்தியாவும் ஒரே போட்டியில் பாகிஸ்தானும் வெற்றி பெற்றுள்ளன. இலங்கை போட்டியிலும், இந்தியாவுக்கே அதிக வெற்றி வாய்ப்பு இருப்பதாக கணிக்கப்பட்டுள்ளது.
இந்நிலையில் இன்றைய போட்டியின்போது ஒளிபரப்பாகும் விளம்பரங்களுக்கு 10 வினாடிக்கு ரூ. 40 லட்சம் கட்டணம் நிர்ணயிக்கப்பட்டுள்ளதாக தகவல்கள் வெளிவந்துள்ளன.
இந்தியா-பாகிஸ்தான் போட்டியை உலகம் முழுவதும் சுமார் 20 கோடிக்கும் அதிகமானோர் நேரலையில் பார்ப்பார்கள் என்று எதிர்பார்க்கப்படுகிறது. மற்ற உலகக்கோப்பை போட்டிகளை விட இந்தப் போட்டிக்கு 8 மடங்கு அதிக வருவாய் கிடைக்கிறது. இவ்வளவு பெரிய கூட்டத்தை ஒரே நேரத்தில் சென்றடைய நிறுவனங்கள் போட்டி போடுவதால் விலை உயர்கிறது.
மேலும் இரு நாடுகளுக்கும் இடையே இருதரப்புத் தொடர்கள் நடைபெறுவதில்லை. ஐசிசி தொடர்களில் மட்டுமே இவ்விரு அணிகளும் மோதுவதால், இந்தப் போட்டிக்கான மவுசு மற்ற போட்டிகளை விடப் பல மடங்கு அதிகம் உயர்ந்துள்ளது. “கிடைக்காத ஒன்றுக்குத்தான் கிராக்கி அதிகம்” என்பது போல, இந்தப் போட்டி தங்களை விளம்பரப்படுத்திக் கொள்ள விரும்பும் நிறுவனங்களுக்கு ஒரு பொன்னான வாய்ப்பாக அமைந்துள்ளது.
