ஹெச்1பி விசா.. இனி சின்ன தவறு செய்தாலும் ரூ.2.4 கோடி அபராதம்.. அதிர்ந்துபோன ஐடி நிறுவனங்கள்! | US H-1B Crackdown: Companies Face Up to $250,000 (₹2.4 Crore) Fine and 10-Year Ban for Visa Fraud

இதற்காக அமெரிக்க நாடாளுமன்றத்தில் H-1B Visa Fraud Crackdown Act என்ற மசோதா அக்டோபர் 1ஆம் தேதி தாக்கல் செய்யப்பட்டு உள்ளது. இந்த மசோதா ஒப்புதல் பெற்று நடைமுறைக்கு வந்தால் H-1B விசா திட்டத்தைத் தவறாகப் பயன்படுத்தும் நிறுவனங்கள், விதிகளை மீறிச் செயல்படும் நிறுவனங்கள் மீது 2.5 லட்சம் டாலர் வரையிலான அபராதம் விதிக்கும் அதிகாரம் அமெரிக்க அரசுக்குக் கிடைக்கும்.

தற்போது வெறும் 35000 டாலர் அபராதம் போடப்படும் நிலையில் இருந்து 2.5 லட்சம் டாலராக உயர்த்தப்பட்டு உள்ளது, இது இந்திய ரூபாய் மதிப்பில் சுமார் 2.4 கோடி ரூபாயாகும், இது ஒரு ஊழியரை பணியில் அமர்த்தி லாபம் ஈட்டுவதை விட அதிகம் என்பதால் இந்த அபராதமே பல குற்றங்களைத் தடுக்கும் எனக் கூறப்படுகிறது.

இதுமட்டும் அல்லாமல் இந்த மசோதா மூலம் விதிமுறை மீறும் நிறுவனங்கள் குடியுரவு சேவை பெறுவதில் தற்போது இருக்கும் 3 ஆண்டு தடையை 10 வருடத்திற்கு நீட்டிக்க முடிவு செய்யப்பட்டு உள்ளது.

டிரம்ப் அமெரிக்க அதிபராகப் பொறுப்புக்கு வந்த நாளில் இருந்து ஹெச்1பி விசா மூலம் வெளிநாட்டில் இருந்து குறைவான சம்பளத்தில் ஊழியர்கள் பணியில் அமர்த்துவது மூலம் அமெரிக்கர்கள் தங்களுடைய பணியை இழக்கிறார்கள் எனக் குற்றம்சாட்டி வருகிறது. இதைத் தடுக்கவே, அடுத்தடுத்து விசா நடைமுறையில் கட்டுப்பாடுகள் வருகிறது.