காசாவில் பட்டினியால் வாடும் மக்களுக்கு விமானங்களில் இருந்து பரசூட் மூலம் உணவு விநியோகம் செய்வதை விடுத்து தரைவழியாக அவற்றை வழங்க நடவடிக்கை எடுக்கவேண்டுமென ஹமாஸ் அமைப்பு விடுத்த கோரிக்கையை அமெரிக்கா உடனடியாகவே நிராகரித்துள்ளது.
காசாவில் உணவுப் பற்றாக்குறையால் தவித்துவரும் மக்களுக்கு நிவாரணம் அளிப்பதற்காக விமானங்களில் இருந்து பரசூட் மூலம் உதவிப்பொருட்களை விநியோகிக்கும் நடவடிக்கையில் அமெரிக்கா உட்பட பல நாடுகள் ஈடுபட்டுள்ளன.
உணவுப் பொதிகளை பெறுவதற்கான முயற்சிகளில்
இவ்வாறு பரசூட் மூலம் வழங்கப்படும் உணவுப் பொதிகளை பெறுவதற்கான முயற்சிகளில் இதுவரை 18 பேர் உயிரிழந்துள்ளனர்.
இதனால் பரசூட் மூலம் பொதிகளை இறக்குவதை நிறுத்துமாறு ஹமாஸ் அமைப்பு கோரியுள்ளது.
இதற்கு பதிலாக, தரை வழியாக அதிகளவு விநியோகங்களுக்கு இஸ்ரேல் அனுமதிக்க வேண்டும் எனவும் ஹமாஸ் கோரியுள்ளது.
வான் வழியான விநியோகம் என்பது
எனினும், வான் வழியான விநியோகம் என்பது காசாவில் உள்ள பலஸ்தீன மக்களுக்கு உதவிகளை விநியோகிப்பதற்காக அமெரிக்கா கையாளும் வழிகளில் ஒன்று எனவும், அதை அமெரிக்கா தொடரும் எனவும் அமெரிக்காவின் தேசிய பாதுகாப்பு பேரவை தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
