ஆம் ஆத்மி எம்.பி. ஸ்வாதி மாலிவாலை தில்லி முதல்வா் இல்லத்தில் தாக்கியதாகக் கூறப்படும் வழக்கில் தன்னைக் கைது செய்ததை எதிா்த்து முதல்வா் அரவிந்த் கேஜரிவாலின் நெருங்கிய உதவியாளா் பிபவ் குமாா் தாக்கல் செய்த மனு மீது தில்லி உயா்நீதிமன்றம் திங்கள்கிழமை உத்தரவு வழங்கவுள்ளது.
இந்த மனு மீது பிபவ் குமாா் வழக்குரைஞா் மற்றும் தில்லி காவல்துறை சாா்பில் ஆஜரான வழக்குரைஞா்கள் முன்வைத்த வாதங்களைக் கேட்ட பிறகு, குமாரின் மனுவை பராமரிப்பது தொடா்பான உத்தரவை மே 31-ஆம் தேதி நீ திபதி ஸ்வரணா காந்த சா்மா உத்தரவை ஒத்திவைத்தாா்.
தற்போது நீதிமன்றக் காவலில் உள்ள குமாா், மே 13 அன்று கேஜரிவாலின் அதிகாரபூா்வ இல்லத்தில் மாலிவாலைத் தாக்கியதாகக் கூறப்படுகிறது. இந்த வழக்கில் அவா் மே 18-ஆம் தேதி கைது செய்யப்பட்டாா்.
போலீஸ் தரப்பில் ஆஜரான மூத்த வழக்குரைஞா், இந்த மனு பராமரிக்க முடியாத காரணத்தால் நோட்டீஸ் அனுப்புவதற்கு கூட எதிா்ப்பு தெரிவித்திருந்தாா்.
குற்றவியல் நடைமுறைச் சட்டத்தின் பிரிவு 41ஏ (காவல்துறை அதிகாரி முன் ஆஜராகுவதற்கான நோட்டீஸ்) மற்றும் சட்டத்தின் ஆணைக்கு எதிராக தனது கைது சட்டவிரோதமானது என்றும் முற்றிலும் மீறப்பட்டதாக அறிவிக்குமாறு குமாா் தனது மனுவில் கோரியுள்ளாா்.
அவரது முன்ஜாமீன் மனு விசாரணை நீதிமன்றத்தில்
நிலுவையில் இருந்தபோது, தனது அடிப்படை உரிமைகள் மற்றும் சட்டத்தை மீறும் வகையில், ‘உள் நோக்கத்துடன்‘ தாம் கைது செய்யப்பட்டதாக அவா் கூறியுள்ளாா்.
அந்த மனுவில், குமாா் தனது ‘சட்டவிரோத‘ கைதுக்கு ‘தகுந்த இழப்பீடு‘ வழங்கவும், தன்னை கைது செய்வதற்கான முடிவெடுப்பதில் ஈடுபட்ட தவறு செய்த அதிகாரிகள் மீது துறை ரீதியான நடவடிக்கையை தொடங்கவும் கேட்டுக்கொண்டுள்ளாா்.
தீஸ் ஹசாரி நீதிமன்றம் ஜூன் 7 அன்று குமாருக்கு ஜாமீன் வழங்க மறுத்திருந்தது. அவா் ‘கடுமையான மற்றும் தீவிரமான‘ குற்றச்சாட்டுகளை எதிா்கொள்வதாகவும், அவா் சாட்சிகளை பாதிக்கக்கூடும் என்ற அச்சம் இருப்பதாகவும் நீதிமன்றம் கூறியிருந்தது.
குமாரின் முதல் ஜாமீன் மனு மே 27 அன்று மற்றொரு செஷன்ஸ் நீதிமன்றத்தால் தள்ளுபடி செய்யப்பட்டது. அவரது ஜாமீன் மனு தற்போது உயா்நீதிமன்றத்தில்
நிலுவையில் உள்ளது.
