வேலைக்காக வெளிநாடு சென்றபோது மாய வலை.. சீன சைபர் மாபியா கும்பலிடம் சிக்கிய இந்தியர்கள்.. அடுத்து என்ன நடந்தது? | இந்தியா

மேலும் பணியாற்றியவர்களுக்கு வங்கி கணக்கில் ஊதியம் கொடுக்காமல் கையில் பணமாகவும், மேலும் ஊழியர்களுக்கான எந்தவித அடையாளங்களும் இல்லாமல் மறைமுகவே அவர்களை வைத்திருந்தார்கள். இதனால் சீனர்களிடம் சிக்கிய இந்தியர்களுக்கு பெரும் சந்தேகம் உண்டானது. அனைவர்கள் அனைவரும் படித்த இளைஞர்​கள். தெற்கு ஆசிய நாடு​களான மியான்​மர், தாய்​லாந்​து, கம்​போடி​யா மற்றும் லாவோஸுக்கு ரூ.2 லட்சம் முதல் 3 லட்​சம் வரை செலவு செய்​து மிகுந்த கனவு​களோடு சென்றவர்கள்.

முதலில் இந்தியாவில் இருந்து தாய்லாந்துக்கு சென்றவர்கள் அங்கு சீனா மாபியா கும்​பலிடம் ஒப்படைக்கப்பட்டுள்ளனர். அவர்​களை ஒரு கிடங்​கில் அடைத்து வைத்​திருந்து வற்புறுத்தி பயிற்சி கொடுத்த மோசடி கும்பல் ஆபாச வலைவீசி அதில் சிக்கும் நபர்களிடமும் பணம் பறிக்க வைத்துள்ளனர். அதாவது அமெரிக்​கா, ஆஸ்​திரேலி​யா​வில் வசிக்கும் இளம் பெண்களின் புகைப்​படங்​களு​டன் கூடிய போலி கணக்​கு​களை தயார் செய்​து, அவற்றை சமூக வலை​தளங்​களில் உலவ விட்​டு, அதன் பின்​னர், யார் இவர்​களு​டன் நட்பு வைத்​துக்​கொள்ள விரும்புகிறார்​களோ அவர்​களிடம் ‘சாட்’ செய்து அவர்களை இவர்களின் வலை​யில் விழ வைக்​க வேண்​டும் என ஆர்டர் போட்டு சித்ரவதை செய்துள்ளனர்.

பின்​னர் அப்படி சிக்குபவர்களிடம் 500 டாலர்​கள் முதல் ஆயிரக்​கணக்​கான டாலர்​களை வரை கறக்க வேண்டும் என அழுத்தம் கொடுத்து மோசடி செய்ய வைத்துள்ளனர். அதில் மிகவும் மன உளைச்சலுக்கு ஆளானவர்கள், இந்தியாவில் உள்ள தங்களது குடும்பத்தினருக்கும் நண்பர்களுக்கும் தகவல் கொடுக்க, அந்த தகவல் மத்திய அரசுக்கு சென்றது. பின்னர் ஆந்திர போலீசாரின் உதவியுடன் மியான்மர் போலீசாரால் சைபர் கிரைம் மாபியா கும்​பலிடம் சிக்கியவர்களை மீட்டு 3 தவணை​யாக விடுவிக்கப்பட்டு வருகின்​றனர்.

அதில் சமீபத்தில் ஆந்​தி​ராவை சேர்ந்​த 120 பேர் மீட்கப்பட்டுள்ளனர். இந்​தி​யர்​கள் மட்​டுமின்​றி இலங்​கை, பாகிஸ்​தான் நாட்​டைச் சேர்ந்தவர்​களும் அங்கு சிக்​கி​யுள்​ளனர். இதில் இந்​தி​யர்​கள் மட்டுமே சுமார் 10,000-க்கும் அதி​க​மானவர்​கள் இருப்​ப​தாக கூறப்படு​கிறது.