வேகமாகப் பரவிவரும் மலேரியா காய்ச்சல்- கென்யாவில் நிரம்பி வழியும் மருத்துவமனைகள்!

ஆப்ரிக்காவின் கிழக்குப் பகுதியில் உள்ள கென்யாவில், மலேரியா காய்ச்சல் வேகமாக பரவுவதால், மருத்துவமனைகள் நிரம்பி வழிகின்றன.

கென்யாவின் மேற்கு பகுதியில் உள்ள மிகோரி என்ற கிராமத்தில் ஏராளமானோர் மலேரியா காய்ச்சலால் பாதிக்கப்பட்டுள்ளனர். இதில் கடந்த சில நாட்களில் மட்டும், 2 வயது குழந்தை உட்பட 5 பேர் சிகிச்சை பலனின்றி உயிரிழந்ததாக அந்நாட்டு சுகாதாரத்துறை தெரிவித்துள்ளது. மலேரியாவை குணப்படுத்த போதிய மருந்துகள் இருந்தாலும், அவற்றைப் பயன்படுத்த கென்யாவின் வறுமை மற்றும் பொருளாதார நிலை தடையாக இருப்பதாக கூறப்படுகிறது.

இந்நிலையில், அந்நாட்டில் தயாரிக்கப்படும் உள்ளூர் மருத்துவத்தை வைத்து மலேரியாவை குணப்படுத்த மருத்துவர்கள் தீவிர முயற்சி மேற்கொண்டு வருகின்றனர். சர்வதேச மலேரியா ஒழிப்பு தினம் இன்று கடைப்பிடிக்கப்படும் நிலையில், அது தோன்றிய ஆப்ரிக்கா நாட்டில் இன்றளவும் மலேரியாவால் மக்கள் உயிரிழந்து வருவது வேதனைக்குரியதாக உள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…