இலைகள் மற்றும் கிளைகளில் தெளிக்க விரும்பினால், கரைசலை மேலும் நீர்த்த நிலையில் பயன்படுத்த வேண்டும். ஒரு பங்கு வெங்காயத் தோல் கரைசலுடன் 3 பங்கு தண்ணீரைக் கலந்து ஸ்பிரே பாட்டிலில் ஊற்றி இலைகளில் லேசாகத் தெளிக்கலாம். முதல் முறையாக பயன்படுத்தும்போது, ஒன்று அல்லது இரண்டு இலைகளில் மட்டும் சிறிதளவு தெளித்து, செடியில் பாதகமான மாற்றங்கள் ஏற்படுகிறதா என்பதை கவனித்த பிறகு பயன்படுத்துவது நல்லது. வெங்காயத் தோல்களை திரவ உரமாக மட்டுமின்றி, செடிகளுக்கு மூடாக்காகவும் பயன்படுத்தலாம்.
