விவாகரத்து உங்கள் கிரெடிட் ஸ்கோரை நேரடியாகக் குறைக்காது. ஆனால், இதனால் வரும் நிதி மாற்றங்கள் உங்கள் கடன் தகுதியை பாதிக்கும். ஆகவே, இதிலுள்ள ஆபத்துகளை அறிந்துகொள்வதன் மூலம் இந்த செயல்முறையை பாதுகாப்பாகக் கடந்து செல்ல முடியும். விவாகரத்து உங்கள் கடன் நிலையை மறைமுகமாகவும், எதிர்மறையாகவும் பாதிக்கலாம். எப்படி என்பதை தெரிந்துகொள்வோம் வாருங்கள்.
கூட்டுக் கணக்குகளில் தாமதமான பணம் செலுத்துதல்கள்:
விவாகரத்துக்குப் பிறகும், விவாகரத்து செய்யும்போதும், இருவரும் கூட்டாக சேர்ந்து வாங்கிய கடன்களுக்கு யார் பொறுப்பேற்கப் போகிறார்கள் என்பது குறித்து நிச்சயமற்ற தன்மை இருக்கும்போது கட்டணம் செலுத்துவதில் தாமதம் ஏற்படும். ஜாயிண்ட் கிரெடிட் கார்டு, அடமானங்கள் அல்லது கடன்களில் தாமதமாகவோ அல்லது தவறவோ பணம் செலுத்துவது உங்கள் கிரெடிட் ஸ்கோரை மிக விரைவாகக் குறைக்கும்.
கூட்டுக் கடன்களுக்கான பொறுப்பு:
விவாகரத்து நீங்கள் வாங்கிய கடன்களையும் சேர்த்து பிரிக்கின்றன. ஆனால், கடன் வழங்குநர்கள் உங்கள் விவாகரத்து ஆணையைப் பின்பற்ற வேண்டியதில்லை. உங்கள் முன்னாள் மனைவி கடனை செலுத்துவதற்கு பொறுப்பாக இருந்து அதை செலுத்தவில்லை என்றால், கடன் வழங்குநர்கள் உங்களையும், உங்கள் முன்னாள் மனைவியையும் பொறுப்பேற்கச் செய்வார்கள். நீங்கள் பணம் செலுத்த வேண்டிய கட்டாயம் இல்லாவிட்டாலும் கூட, உங்கள் கடன் அறிக்கையில் கடன் தவணைத் தோன்றக்கூடும்.
அதிக கடன் சுமை:
விவாகரத்து என்பது அதிகரிக்கும் வாழ்க்கைச் செலவுகள், வழக்கறிஞர் கட்டணங்கள் மற்றும் புதிய வீட்டைக் கட்டுவதற்கான செலவுகள் அதிகரிப்பதைக் குறிக்கிறது. இந்தச் செலவுகளை ஈடுகட்ட நீங்கள் கடனை அதிகமாக சார்ந்திருந்தால், உங்கள் கடன் பயன்பாட்டு விகிதத்தில் ஏற்படும் அதிகரிப்பு உங்கள் கடன் மதிப்பெண்ணைப் பாதிக்கலாம்.
வருமானம் மற்றும் நிதி நிலைத்தன்மையில் மாற்றம்:
குடும்ப வருமான இழப்பு அல்லது ஜீவனாம்சத்தை நம்பியிருப்பது பணப்புழக்க சிக்கல்களை ஏற்படுத்தக்கூடும். குறைந்த நிதி காரணமாக கடன்களைச் செலுத்துவதிலும் சிரமத்தை அதிகரிக்கிறது. இது உங்கள் கிரெடிட் ரெக்கார்டை பாதிக்கும் அச்சுறுத்தலை ஏற்படுத்துகிறது.
கூட்டுக் கணக்குகளை மூடுதல்:
விவாகரத்துக்குப் பிறகு, தம்பதிகள் பெரும்பாலும் தங்கள் நிதிகளை சரிசெய்ய கூட்டுக் கணக்குகளை மூடுகிறார்கள். இருப்பினும், பழைய கணக்குகளை மூடுவதால், உங்களுக்குக் கிடைக்கும் கிரெடிட்டைக் குறைக்கலாம். இவை, உங்கள் கிரெடிட் ஸ்கோரைச் சிறிது குறைக்கலாம்.
விவாகரத்தின்போதும் அதற்குப் பின்னரும் உங்கள் கடனைப் பாதுகாப்பதற்கான வழிகள்:
உங்கள் நிதியை முன்கூட்டியே பிரித்துக் கொள்ளுங்கள்:
உங்களால் முடிந்தவரை கூட்டுக் கணக்குகளை மூடவும் அல்லது கடன் வழங்குபவரின் அனுமதியுடன் அவற்றை உங்கள் பெயருக்கு மாற்றவும். புதிய கடன் கணக்குகள் உங்கள் பெயரில் மட்டுமே திறக்கப்படுவதை உறுதி செய்யவும்.
உங்கள் கடன் அறிக்கையை கவனியுங்கள்:
விவாகரத்து செயல்முறை முழுவதும் உங்கள் கடன் அறிக்கையைப் பாருங்கள். அதைக் கண்காணிப்பது, பணம் செலுத்தாமல் தவறவிட்டது அல்லது மோசடி நடவடிக்கைகளை முன்கூட்டியே கண்டறிய உங்களை அனுமதிக்கிறது.
தெளிவாகத் தொடர்பு கொள்ளுங்கள்:
உங்கள் உணர்வுகளை ஒருபக்கம் ஒதுக்கி வைத்துவிட்டு, நிதி விஷயங்களில் உங்கள் முன்னாள் மனைவியுடன் சரியான முறையில் தொடர்பு கொள்வது, இருவரின் நற்பெயரை எதிர்மறையாக பாதிக்கக்கூடிய முரண்பாடுகளைத் தவிர்க்கலாம்.
