தெற்கு மும்பையில் விலங்கு கடத்தல் சந்தேகத்தின் பேரில் மலேசியப் பெண் ஒருவரையும் உள்ளூர் ஆண் ஒருவரையும் இந்திய அதிகாரிகள் நேற்று கைது செய்தனர்.
ஒரு ஹோட்டல் அறையில் நடத்தப்பட்ட சோதனையின்போது, மலேசியாவிலிருந்து கடத்தப்பட்டதாக நம்பப்படும் கிபோன்ஸ் சியாமாங், கிபோன்ஸ் அகில்ஸ் மற்றும் மற்றும் பன்றி வால் கொண்ட மக்காக்குகள் உள்ளிட்ட ஒன்பது குழந்தை முதனிலைப் பாலூட்டிகள் கண்டுபிடிக்கப்பட்டன.
ஒரு விலங்கு மட்டுமே உயிருடன் காணப்பட்டது, இருப்பினும் ஆபத்தான நிலையில் இருந்தது, மீதமுள்ளவை இறந்துவிட்டன என்று இந்திய அதிகாரி ஒருவர் நேற்று செய்தி போர்ட்டலான தி பிரிண்டிடம் தெரிவித்தார்.
உயிர் பிழைத்த பிரைமேட் சிகிச்சை மற்றும் பராமரிப்புக்காக வனவிலங்கு நிபுணர்களிடம் அனுப்பப்பட்டுள்ளது.
சந்தேகநபர்கள் – சென்னையைச் சேர்ந்த ஸ்ரீராம் சுப்ரமணியம், 30, மற்றும் மலேசியாவைச் சேர்ந்த மாதவி சொல்லக்குன்னு, 59 – ஆகியோர் விளக்கமறியலில் வைக்கப்பட்டுள்ளனர்.
KLIA வழியாக அதிகரித்து வரும் கடத்தல் சம்பவங்கள்
அழிந்து வரும் விலங்குகளை ஆசியாவின் பிற பகுதிகளுக்குக் கடத்துவதற்கு மலேசியா ஒரு முக்கிய போக்குவரத்து மையமாகக் கருதப்படுகிறது.
மார்ச் மாதத்தில், நாட்டிலிருந்து வனவிலங்குகள் கடத்தப்படுவது அதிகரித்து வருவது தொடர்பாகப் போக்குவரத்து அமைச்சர் அந்தோணி லோக், மலேசிய விமான நிலைய Malaysia Airports Holdings Berhad (MAHB) கண்டித்தார்.
கடந்த மாதம், 2023 முதல் இந்த ஆண்டு ஏப்ரல் வரை கோலாலம்பூர் சர்வதேச விமான நிலையத்தில் (KLIA) வனவிலங்கு கடத்தல் தொடர்பாக 10 விசாரணை ஆவணங்கள் திறக்கப்பட்டுள்ளதாக இயற்கை வளங்கள் மற்றும் சுற்றுச்சூழல் நிலைத்தன்மை அமைச்சகம் தெரிவித்துள்ளது.
இந்த வழக்குகளில் ஆமைகள், பாம்புகள், பறவைகள் மற்றும் உயர் விலங்கினங்கள் உள்ளிட்ட வெளிநாட்டு மற்றும் பூர்வீக இனங்களின் கடத்தல் அடங்கும்.
“சமீப காலமாக இது போன்ற நடவடிக்கைகள் அதிகரித்து வருவதால், அமைச்சகம் இந்தப் பிரச்சினையைத் தீவிரமாக எடுத்துக்கொள்கிறது”.
“வனவிலங்கு கடத்தல் அழிந்து வரும் உயிரினங்களை அச்சுறுத்துவது மட்டுமல்லாமல், பாதுகாப்பு அபாயங்களையும் ஏற்படுத்துகிறது மற்றும் சர்வதேச அரங்கில் மலேசியாவின் பிம்பத்தைப் பாதிக்கிறது,” என்று அது கூறியது.
