விமானங்களில் பவர் பேங்க் பயன்படுத்த தடையா…? சிவில் விமானப் போக்குவரத்து இயக்குநரகம் கூறுவது என்ன…? | இந்தியா

லித்தியம் பேட்டரியில் இயங்கும் டிவைஸ்கள் குறித்த பாதுகாப்பு கவலைகள் அதிகரித்து வரும்நிலையில் இந்த தீ விபத்து தேவையான நடவடிக்கை எடுக்க வேண்டிய கட்டாயத்தை ஏற்படுத்தி இருப்பதாக அதிகாரிகள் கூறியுள்ளனர். இதற்காக பயணிகள் மற்றும் விமான நிறுவனங்கள் இரு தரப்பினாலும் விமானங்களில் பவர் பேங்குகள் எவ்வாறு கையாளப்படுகின்றன என்பது குறித்து DGCA ஒரு விரிவான மதிப்பாய்வை செய்ய தொடங்கியுள்ளது.

இந்த மதிப்பாய்வின் முடிவில்தான் விமானத்தில் பவர் பேங்குகளை பயன்படுத்துவதைத் தடைசெய்ய, அதன் கெபாசிட்டியில் கட்டுப்பாடுகள் விதிக்க அல்லது அபாயங்களை அறவே குறைக்க விமானத்தில் பவர்பேங்க் எடுத்து செல்வதையே முற்றிலுமாக தடைசெய்ய என ஏதாவதொரு உறுதியான நடவடிக்கை எடுக்கப்படும் என்று தெரிகிறது. இதற்கிடையில், சிவில் விமானப் போக்குவரத்து அமைச்சகத்திற்கும் (MoCA) இது தொடர்பாக விளக்கம் அளிக்கப்பட்டுள்ளது. மேலும், புதிய பாதுகாப்பு நடவடிக்கைகளை தீர்மானிப்பதில் அதிகாரிகள் தீவிரமாக செயல்பட்டு வருகின்றனர்.

தீ விபத்து குறித்து இண்டிகோ விமான நிறுவனம் கூறியதாவது, கடந்த அக்டோபர் 19ஆம் தேதி டெல்லியில் இருந்து நாகாலாந்தின் திமாபூருக்கு இயக்கப்படும் 6E 2107 விமானமானது, சீட்-பேக் பாக்கெட்டில் வைக்கப்பட்டிருந்த ஒரு பயணியின் தனிப்பட்ட எலெக்ட்ரானிக் உபகரணம் ஒன்றால் ஏற்பட்ட சிறிய தீ விபத்து காரணமாக மீண்டும் விமான நிலையத்திற்குத் திரும்பியதாக அறிக்கையில் தெரிவித்துள்ளது. எனினும், விமான பணி குழுவினர் நிலைமையை சிறப்பாக கையாண்டு தீ விபத்து நிகழ்ந்த ஒரு சில நொடிகளில் நிலைமையை கட்டுக்குள் கொண்டுவந்ததாகவும் அறிக்கையில் கூறப்பட்டுள்ளது.

முன்னதாக அக்டோபர் மாத தொடக்கத்தில், எமிரேட்ஸ் ஏர்லைன்ஸ் அதன் அனைத்து விமானங்களிலும் பவர் பேங்க்ஸ்களைப் பயன்படுத்துவதை தடைசெய்தது. எனினும், பயணிகள் தற்போது 1100 watt-hours-க்கும் குறைவான பவர் பேங்க்ஸ்களை மட்டுமே எடுத்துச் செல்ல அனுமதிக்கப்படுகிறார்கள்.