“விஜய் நன்றாக இருக்க வேண்டும்” – பிரபல இயக்குநர் பாலா பேச்சு! | Sports News (விளையாட்டு செய்திகள்)

மதும்கேஷ், ஜியா சங்கர், அர்ஜுன் அசோகன், எம்.எஸ்.பாஸ்கர், ஜெயபிரகாஷ், விஜி சந்திரசேகர் உள்ளிட்ட பலர் நடிக்க விஜய் இயக்கத்தில் உருவாகியுள்ள படம் ‘காதல் ரீசெட் ரிப்பீட்’. ஹாரிஸ் ஜெயராஜ் இசையமைத்திருக்கிறார். மார்ச் 6-ம் தேதி படம் வெளியாகவுள்ளது.

இதனை தொடர்ந்து படத்தின் அறிமுக விழா சென்னையில் நடந்தது. சிறப்பு விருந்தினராக இந்த விழாவில் இயக்குநர் பாலா கலந்துகொண்டு பேசினார். அப்போது இயக்குநர் பாலா பேசுகையில், “இயக்குநர் விஜய்க்கு நான் குரு கிடையாது. விஜய் தான் எனக்கு குரு. தொழிலில் எனக்கு விஜய் ஜூனியராக இருக்கலாம். ஆனால் ஒரு தொழிலில் எவ்வாறு உழைக்க வேண்டும் என்று எனக்கு கற்றுக் கொடுத்த குரு விஜய்.

ஒரே வார்த்தையில் விஜய்யை பற்றி சொல்வதென்றால் அவர் எனக்கு தாயுமானவன். என்னுடைய நல்லது கெட்டதுக்கு வந்து நின்று அதில் பங்கெடுத்து உடன்பிறப்பாக தாயும் தகப்பனுமாக இருந்து என்னை பார்த்துக் கொள்கிறார். நான் நன்றாக இருக்க வேண்டும் என விஜய் நினைக்கிறார். விஜய் நன்றாக இருக்க வேண்டும் என நான் நினைக்கிறேன்” என்று கூறினார்.