நீர்வரத்து குறைந்து அனுமதி
கடந்த சில நாட்களாக தொடர்ந்த மழையால் குற்றால அருவிகளில் நீர்வரத்து அதிகரித்திருந்தது. இதனால், பிரதான அருவி, ஐந்தருவி, பழைய குற்றால அருவி, புலியருவி உள்ளிட்ட அனைத்து அருவிகளிலும் குளிக்க தடை விதிக்கப்பட்டிருந்தது. காவல் துறையினர் பாதுகாப்பு பணியில் ஈடுபடுத்தப்பட்டு, சுற்றுலாப் பயணிகள் அருவிகளுக்கு அருகே செல்லாமல் தடுக்கப்பட்டனர். தற்போது மழை குறைந்து, நீர்வரத்து மிதமான நிலையில் உள்ளதால், புலியருவியில் முதலில் குளிக்க அனுமதி வழங்கப்பட்டது. பின்னர், பிரதான அருவியும் ஐந்தருவியும் படிப்படியாக திறக்கப்பட்டன. ஆனால், பழைய குற்றால அருவியில் மட்டும் தடை தொடர்கிறது.
