லோர்னி சாலையில் (Lornie Road) வேன் கவிழ்ந்த சம்பவத்தில் மூவர் காயமடைந்தனர், மேலும் ஓட்டுநர் கைது செய்யப்பட்டார்.
Singapore Road Accident.com என்ற பேஸ்புக் பக்கத்தில் வெளியான விபத்து தொடர்பான புகைப்படங்களில், ஆண்ட்ரூ சாலை (Andrew Road) சந்திப்புக்கு அருகிலுள்ள சாலையில் வேன் ஒன்று கரப்பான் பூச்சி போல கவிழ்ந்து கிடப்பதைக் காண முடிகிறது.
நேற்று முன்தினம் ஞாயிற்றுக்கிழமை (ஆக.10) மாலை சுமார் 5.35 மணியளவில் நடந்த இந்த விபத்து குறித்து தகவல் கிடைத்ததாக சிங்கப்பூர் காவல் படை (SPF) கூறியது.
வேன் மற்றும் டாக்ஸி மோதிக்கொண்ட இந்த சம்பவம் ஆடம் சாலையை (Adam Road) நோக்கிச் செல்லும் லோர்னி சாலையில் நடந்தது.
மூன்று பேருக்கு சிறிய காயங்கள் ஏற்பட்டதாகவும், அவர்கள் மருத்துவமனைக்கு செல்ல மறுத்துவிட்டனர் எனவும் கூறப்பட்டது.
மேலும், மது போதையில் வாகனம் ஓட்டியதற்காக 36 வயது ஓட்டுநர் கைது செய்யப்பட்டதாக SPF தெரிவித்துள்ளது.
குற்றம் நிரூபிக்கப்பட்டால், முதல் முறை குற்றவாளிக்கு S$2,000 முதல் S$10,000 வரை அபராதம் மற்றும்/அல்லது 12 மாதங்கள் வரை சிறைத்தண்டனை விதிக்கப்படலாம்.
விசாரணைகள் தொடர்ந்து நடைபெறுகின்றன.
Photo: Singapore roads accident.com on Facebook
வேலைவாய்ப்பு, சிங்கப்பூர் வட்டார செய்திகளை உடனே தெரிந்துகொள்ள Facebook, Instagram, Twitter, ShareChat மற்றும் Telegram பக்கங்களில் எங்களைப் பின்தொடருங்கள்.
