லக்னோவை எளிதாக வென்ற கொல்கத்தா அணி… பாயின்ட்ஸ் டேபிளில் 2 ஆம் இடத்திற்கு முன்னேற்றம்…

ஐபிஎல் கிரிக்கெட் தொடரில் இன்று நடைபெற்ற ஆட்டத்தில் கொல்கத்தா மற்றும் லக்னோ சூப்பர் ஜெயன்ட்ஸ் அணிகள் மோதின. கொல்கத்தா ஈடன் கார்டன் மைதானத்தில் நடைபெற்ற இந்த ஆட்டத்தில், டாஸ் வென்ற கொல்கத்தா அணி கேப்டன் ஷ்ரேயாஸ் ஐயர் பௌலிங்கை தேர்வு செய்தார். இதையடுத்து லக்னோ அணியின் தொடக்க வீரர்களாக குவிண்டன் டிகாக் மற்றும் கேப்டன் கே.எல். ராகுல் ஆகியோர் களத்தில் இறங்கினர்.

டி காக் 10 ரன்களும், ராகுல் 39 ரல்களும் எடுத்து ஆட்டம் இழந்தனர். அடுத்து வந்தவர்களில் நிக்கோலஸ் பூரன் அதிரடியாக 45 ரன்கள் சேர்த்தார். ஆயுஸ் பதோனி 29 ரன்கள் எடுக்க 20 ஓவர்கள் முடிவில் 7 விக்கெட்டுகளை இழந்த லக்னோ அணி 161 ரன்கள் எடுத்தது.

இதையடுத்து 162 ரன்கள் எடுத்தால் வெற்றி என்ற எளிதான இலக்கை நோக்கி விளையாடிய கொல்கத்தா நைட் ரைடர்ஸ் அணி 15.4 ஓவர்களில் 2 விக்கெட்டுகளை மட்டுமே இழந்து வெற்றி இலக்கை எட்டியது. அந்த அணியின் தொடக்க வீரர் பிலிப் சால்ட் 47 பந்துகளில் 3 சிக்சர் 14 பவுண்டரியுடன் 89 ரன்கள் குவித்தார்.

கொல்கத்தா அணி இந்த வெற்றியின் மூலம் 5 போட்டிகளில் விளையாடிய 4 வெற்றிகளுடன் 8 புள்ளிகளைப் பெற்று பாயின்ட்ஸ் டேபிளில் 2 ஆம் இடத்திற்கு முன்னேறியுள்ளது.

ராஜஸ்தான் ராயல்ஸ் அணி 6 போட்டிகளில் விளையாடி 5 போட்டிகளில் வெற்றி பெற்று 10 புள்ளிகளுடன் முதல் இடத்தில் உள்ளது. அதிகம் எதிர்பார்க்கப்பட்ட விராட் கோலி இடம் பெற்றுள்ள ராயல் சேலஞ்சர்ஸ் பெங்களூரு அணி 6 போட்டிகளில் விளையாடி ஒரே ஒரு போட்டியில் மட்டுமே வெற்றி பெற்று 10-ஆவது இடத்தில் உள்ளது. சென்னை அணி 5 போட்டிகளில் விளையாடி 3 வெற்றிகளுடன் 6 புள்ளிகளை பெற்று மூன்றாம் இடத்தில் உள்ளது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…