Last Updated:
ரோஹித் சர்மா இந்திய அணியின் கேப்டனாக 56 ஒருநாள் போட்டிகளில் செயல்பட்டுள்ளார். இவற்றில் இந்திய அணி 42 போட்டிகளில் வெற்றி பெற்றுள்ளது.
ரோஹித் சர்மாவின் கேப்டன்ஷிப் குறித்து இந்திய அணியின் பயிற்சியாளர் கவுதம் காம்பீர் பாராட்டி பேசிய பழைய வீடியோ ஒன்று தற்போது இணையத்தில் மீண்டும் வைரலாகி வருகிறது.
இந்திய கிரிக்கெட் அணி இந்த மாதம் ஆஸ்திரேலியாவில் சுற்றுப் பயணம் மேற்கொண்டு 3 போட்டிகள் கொண்ட ஒருநாள் கிரிக்கெட் தொடர் மற்றும் 5 போட்டிகள் கொண்ட டி20 கிரிக்கெட் தொடரில் விளையாடவுள்ளது. இந்த தொடர்களுக்கான இந்திய அணி சமீபத்தில் அறிவிக்கப்பட்டது.
முன்பு இந்திய அணியின் ஒருநாள் போட்டிகளுக்கான கேப்டனாக ரோஹித் சர்மா இருந்து வந்த நிலையில் தற்போது சுப்மன் கில் புதிய கேப்டனாக நியமிக்கப்பட்டுள்ளார். அந்த வகையில் 2027 உலகக்கோப்பை கிரிக்கெட் தொடருக்கான இந்திய அணி ரோஹித் சர்மா வழி நடத்த மாட்டார் என்பது ஏறக்குறைய உறுதி செய்யப்பட்டுள்ளது.
மேலும் இந்த ஆஸ்திரேலிய கிரிக்கெட் தொடருடன் விராட் கோலியும், ரோஹித் சர்மாவும் ஓய்வை அறிவிக்கலாம் என்றும் கூறப்படுகிறது. இந்நிலையில் ரோஹித் சர்மாவின் கேப்டன்ஷிப்பை பாராட்டி கவுதம் காம்பீர் முன்பு தெரிவித்த கருத்துகள் தற்போது இணையத்தில் வைரலாகி வருகிறது.
Never seen anyone more hypocritical and two-faced than Gautam Gambhir. The same guy who once said, “If Rohit Sharma doesn’t become India’s captain, it’s India’s loss, not Rohit’s,” now doesn’t want him as captain after becoming coach himself. pic.twitter.com/pqRzYKDR2a
— Kusha Sharma (@Kushacritic) October 4, 2025
அந்த வீடியோவில் கவுதம் காம்பீர், ரோஹித் சர்மாவை கேப்டனாக நியமிக்காததால் அவருக்கு இழப்பு ஏற்படாது. மாறாக அது அணிக்கு இழப்பை ஏற்படுத்தும் என்று கூறியிருந்தார். இந்த வீடியோவை அதிகம் பகிர்ந்துள்ள ரோஹித் சர்மா ரசிகர்கள் காம்பீரின் இரட்டை நிலைப்பாட்டை புரிந்து கொள்ள முடியவில்லை என்று விமர்சித்துள்ளனர்.
October 07, 2025 2:50 PM IST
