ரெடி-டு-மூவ் ப்ராப்பர்ட்டி வாங்குற ஐடியா இருக்கா… நீங்க தெரிஞ்சுக்க வேண்டிய சில விஷயம் இருக்கு!!!

இன்றைய காலகட்டத்தில் நாம் அனைவருமே எல்லாவற்றிற்கும் எளிமையான ஒரு தீர்வை விரும்புகிறோம். ஒரு காலத்தில் கஷ்டமாக செய்யப்பட்ட விஷயங்கள் தற்போது மிக எளிமைப்படுத்தப்பட்டு அனைவரும் பயன்படுத்த கிடைக்கிறது. இது ரியல் எஸ்டேட் மார்க்கெட்டிற்கும் பொருந்தும். முன்பெல்லாம் வீடு கட்ட வேண்டும் என்றால் நாமே முன்னிருந்து ஒவ்வொன்றையும் பார்த்து பார்த்து கட்டுவோம்.

அதற்குப் பிறகு காண்ட்ராக்ட் முறையில் வீடு கட்டித் தரப்பட்டு வருகிறது. ஆனால் இதையும் மிஞ்சும் ஒரு விதமாக தற்போது “ரெடி டு மூவ்” ப்ராப்பர்ட்டிகள் பிரபலம் அடைந்து வருகிறது. அதாவது உடனடியாக நீங்கள் இந்த வீட்டிற்கு குடி போகலாம். ஒரு குடும்பம் நடத்துவதற்கு தேவையான அத்தியாவசியமான பொருட்கள் அனைத்தும் இந்த “ரெடி டு மூவ்” ப்ராப்பர்ட்டிகளில் அமைத்துத் தரப்படுகிறது.

ஒருவேளை நீங்கள் “ரெடி டு மூவ்” ப்ராப்பர்ட்டி வாங்குவதற்கான திட்டத்தில் இருந்தால் உங்கள் மனதில் வைத்துக் கொள்ள வேண்டிய சில முக்கியமான காரணிகள் என்னென்ன என்பதை பார்க்கலாம்.

டைட்டிலை சரி பார்க்கவும்:

நீங்கள் வாங்க இருக்கும் ப்ராப்பர்ட்டி உரிமையை சரி பார்ப்பதற்கு நீங்கள் டைட்டில் தேடலில் ஈடுபட வேண்டும். உங்களிடம் இந்த ப்ராப்பர்ட்டியை விற்பனை செய்யும் நபர் தான் உண்மையான ஓனரா என்பதை தெரிந்து கொள்வதற்கு நீங்கள் வருவாய் அலுவலகத்தில் ஓனரின் விவரங்களை சரி பார்க்க வேண்டும். ஏனெனில் பல சூழ்நிலைகளில் வேறொருவரின் சொத்தை வேறொருவர் விற்பனை செய்த பல மோசடிகள் நடைபெற்றுள்ளது.

சொத்தின் வயது மற்றும் தரம்:

டைட்டிலை சரிபார்த்த பிறகு நீங்கள் வாங்க நினைக்கும் ப்ராப்பர்ட்டியின் வயது மற்றும் அதன் தரத்தை சோதித்துப் பார்ப்பது அவசியம். வழக்கமாக நல்ல தரமான பொருட்களால் கட்டப்பட்ட ப்ராப்பர்ட்டி 70 முதல் 80 வருட ஆயுளை கொண்டிருக்கும். மேலும் புதிதாக கட்டப்பட்டுள்ள வீடுகளை காட்டிலும் பழைய ப்ராப்பர்ட்டிகள் குறைவான விலைக்கே போகும். உள்ளூர் ப்ராப்பர்ட்டி டீலர்கள் அல்லது இன்ஜினியரை அணுகி இந்த தரம் குறித்த விபரங்களை நீங்கள் சேகரிக்கலாம்.

வருமானம் மற்றும் லைஃப்ஸ்டைல்:

நீங்கள் சொத்து வாங்கப் போகும் பகுதியை சுற்றியுள்ள மக்களின் வருமானம் எவ்வளவு என்பது பற்றி தெரிந்து கொள்வது அவசியம். ஒரு ரூம் கொண்ட சொத்துக்கள் வழக்கமாக ஸ்டுடியோ யூசர்களுக்காகவும், 2 ரூம் கொண்ட வீடுகள் குறைவான வருமானம் கொண்டவர்களுக்காகவும், 3 அறை கொண்ட வீடு நடுத்தர வருமானம் கொண்ட குடும்பத்தினருக்காகவும் மற்றும் 4 அறை கொண்ட வீடுகள் அதிக வருமானம் கொண்ட குழுக்களுக்காகவும் பிரிக்கப்படுகிறது. எனவே நீங்கள் 3 அல்லது 4 அறை கொண்ட ஒரு சொத்தை 1 அல்லது 2 அறை கொண்ட சொத்துக்கள் வீடுகள் அதிகமாக இருக்கும் ஒரு இடத்தில் வாங்கினால் நீங்கள் எதிர்பார்க்கும் லைஃப்ஸ்டைலை அங்கு வாழ்வது கஷ்டம்.

அத்தியாவசிய சேவைகளுக்கான சரிபார்ப்பு:

உங்களுடைய சொத்து அமைந்திருக்கும் இடத்திலிருந்து பால், பிரட், காய்கறிகள் மற்றும் மளிகை கடைகள் போன்ற அத்தியாவசிய பொருட்கள் எளிதாக கிடைக்குமா என்பதை உறுதிப்படுத்திக் கொள்ளுங்கள். இந்த காரணத்திற்காகவே பல பில்டர்கள் சௌகரியமான ஷாப்பிங் ஆப்ஷன்களையும் சேர்த்து வீடு கட்டுகிறார்கள். இது போன்ற வசதிகள் இல்லாவிட்டால் உங்களுடைய அன்றாட தேவைகளை பூர்த்தி செய்வதற்கு நீங்கள் பல கிலோ மீட்டர்கள் பயணம் செய்ய நேரலாம்.

வெல்ஃபேர் அசோசியேஷன்:

நீங்கள் சொத்து வாங்கும் இடத்தில் ரெசிடென்ட் வெல்ஃபேர் அசோசியேஷன் (RWA) இருக்கிறதா என்பதை சரி பார்த்துக் கொள்ளுங்கள். ஒருவேளை RWA இருந்தால் அதன் மெம்பர்களை சந்தித்து அந்த பகுதியில் என்னென்ன பாசிட்டிவ் மற்றும் நெகட்டிவ் இருக்கிறது என்பதை கேட்டுத் தெரிந்து கொள்ளுங்கள். மேலும் பொது இடங்களை பராமரித்தல், எலக்ட்ரிசிட்டி மற்றும் தண்ணீர் போன்ற அடிப்படை வசதிகள் ஆகிய விஷயங்களையும் அங்குள்ள தற்போதைய குடியிருப்பாளர்களிடம் கேட்டுத் தெரிந்து கொள்ளலாம்.

.