ராஞ்சி டெஸ்டில் ஜோ ரூட் சதம்… முதல் நாளில் 302 ரன்கள் சேர்த்தது இங்கிலாந்து அணி… – News18 தமிழ்

ராஞ்சியில் நடைபெற்று வரும் இந்தியா மற்றும் இங்கிலாந்து அணிகளுக்கு இடையிலான 4 ஆவது டெஸ்ட் கிரிக்கெட் போட்டியில் முதலில் பேட்டிங் செய்து வரும் இங்கிலாந்து அணி முதல் நாள் ஆட்ட நேர முடிவில் 7 விக்கெட் இழப்புக்கு 302 ரன்க்ள எடுத்துள்ளது.

நிதானமான ஆட்டத்தை வெளிப்படுத்திய அந்த அணியின் ஜோ ரூட் 226 பந்துகளில் 106 ரன்கள் எடுத்து ஆட்டமிழக்காமல் களத்தில் உள்ளார். 5 போட்டிகள் கொண்ட டெஸ்ட் தொடரில் இந்தியா 2 போட்டிகளிலும், இங்கிலாந்து அணி 1 போட்டியிலும் வெற்றி பெற்றுள்ளன.

ராஞ்சியில் இன்று தொடங்கிய 4 ஆவது டெஸ்டில் டாஸ் வென்ற இங்கிலாந்து பேட்டிங்கை தேர்வு செய்தது. தொடக்க வீரர் பென் டக்கெட் 11 ரன்னிலும், ஆலி போப் ரன் ஏதும் எடுக்காமலும் ஆட்டமிழந்து இங்கிலாந்துக்கு அதிர்ச்சி கொடுத்தனர். 42 ரன்கள் சேர்த்த ஸாக் கிராவ்லே, டெஸ்டில் இன்று அறிமுகமான ஆகாஷ் தீப் வேகத்தில் ஆட்டமிழந்தார்.

இங்கிலாந்து அணியின் முதல் 3 விக்கெட்டுகளையும் ஆகாஷ் தீப் கைப்பற்றி அசத்தினார். ஜானி பேர்ஸ்டா 38 ரன்களிலும், பென் ஸ்டோக்ஸ் 3 ரன்னிலும் ஆட்டமிழந்தனர். 112 ரன்களுக்கு இங்கிலாந்து 5 விக்கெட்டுகளை இழந்திருந்தபோது ஜோ ரூட் – பென் போக்ஸ் இணைந்து சிறப்பான ஆட்டத்தை வெளிப்படுத்தினர்.

இருவரும் 6 ஆவது விக்கெட்டிற்கு 113 ரன்கள் பார்ட்னர்ஷிப அமைத்தனர். போக்ஸ் 47 ரன்னிலும், டாம் ஹார்ட்லி 13 ரன்னிலும் ஆட்டமிழக்க முதல் நாள் ஆட்டத்தில் 90 ஓவர்கள் விளையாடிய இங்கிலாந்து அணி 7 விக்கெட் இழப்புக்கு 302 ரன்கள் சேர்த்துள்ளது. ஜோ ரூட் 106 ரன்களும், ஆலி ராபின்சன்31 ரன்களும் எடுத்து களத்தில் உள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…