Last Updated:
ரஷ்யாவிடம் டீசல் பெறுவது தொடர்பான பரிவர்த்தனைகளை மேற்கொள்ள அடுத்த ஆண்டு ஏப்ரல் 7ஆம் தேதி வரை இடைக்கால அனுமதி அளித்து அமெரிக்க நிதியமைச்சகம் அறிவிப்பு வெளியிட்டுள்ளது.
ரஷ்ய அதிபர் புதின் உடனடியாக டீசல் விநியோகிக்க ஒப்புக் கொண்டதாக அமெரிக்க அதிபர் டொனால்ட் டிரம்ப் தெரிவித்துள்ளார்.
ஈரானுடனான போர் காரணமாக, அமெரிக்காவில் டீசல் விலை விண்ணை முட்டும் அளவுக்கு உயர்ந்தது. இருப்பினும், வெளிநாட்டு ஏற்றுமதிக்கு தடை விதிக்க டிரம்ப் மறுப்பு தெரிவித்ததால் உள்நாட்டில் டீசல் தட்டுப்பாடு நிலை உருவானது. இந்தநிலையில், அமெரிக்காவுக்கு உடனடியாக டீசல் வழங்க ரஷ்ய அதிபர் புதின் ஒப்புக்கொண்டுள்ளதாக டிரம்ப் தெரிவித்துள்ளார்.
இது தொடர்பாக, தனது ட்ரூத் சமூக வலைதள பக்கத்தில், நவம்பர் மாதத்திற்குள் 5 லட்சம் டன் டீசல் தர புதின் ஒப்புக்கொண்டுள்ளதாக தெரிவித்துள்ளார். முதற்கட்டமாக 3 லட்சம் டன் டீசல் வழங்க இருப்பதாகவும், ரஷ்ய எண்ணெய் சுத்திகரிப்பு ஆலைகளின் இயக்கத்தை பொறுத்து அடுத்தடுத்து டீசல் விநியோகம் இருக்கும் என ரஷ்ய அதிபர் புதின் உத்ரவாதம் அளித்துள்ளதாகவும் டிரம்ப் பதிவிட்டுள்ளார்.
இதனைத் தொடர்ந்து, ரஷ்யாவிடம் டீசல் பெறுவது தொடர்பான பரிவர்த்தனைகளை மேற்கொள்ள அடுத்த ஆண்டு ஏப்ரல் 7ஆம் தேதி வரை இடைக்கால அனுமதி அளித்து அமெரிக்க நிதியமைச்சகம் அறிவிப்பு வெளியிட்டுள்ளது.
