மொட்டுக்குள் ஏற்பட்டுள்ள பிளவு: மகிந்த – ரணிலுக்கிடையில் விசேட சந்திப்பு

சிறிலங்கா அதிபர் ரணில் விக்ரமசிங்கவுக்கும்(Ranil Wickremesinghe) பொதுஜன பெரமுன கட்சியின்
தலைவர் மகிந்த ராஜபக்சவுக்கும்(Mahinda rajapaksa) இடையிலான விசேட சந்திப்பு அடுத்த வாரம்
நடைபெறவுள்ளது.

இந்தச் சந்திப்பில் மொட்டுக் கட்சியின் ஸ்தாபகர் பசில் ராஜபக்ச (Basil Rajapaksa)உட்பட
அக்கட்சியின் முக்கியஸ்தர்கள் சிலரும் கலந்து கொள்ளவுள்ளனர்.

மொட்டுக் கட்சியின் முயற்சி தோல்வி

அதிபர் தேர்தலுக்கு முன்னர் நாடாளுமன்றத் தேர்தலை நடத்தும் மொட்டுக்
கட்சியின் முயற்சி தோல்வியில் முடிவடைந்துள்ளது.

அதேபோல் அதிபர் தேர்தலில் ரணில் விக்ரமசிங்கவுக்கு ஆதரவு வழங்குவது
தொடர்பில் மொட்டுக் கட்சி இரு அணிகளாகப் பிளவுபட்டு நிற்கின்றது.

சிறிலங்கா அதிபர் தேர்தலில் வேட்பாளர் ஒருவரைக் களமிறக்க வேண்டும் என நாமல் உள்ளிட்ட
தரப்பினர் வலியுறுத்தி வருகின்றனர்.

அதிபர் தேர்தல் 

எனினும், ரணிலுக்கு மீண்டும்
ஒரு வாய்ப்பு வழங்க வேண்டும் என அமைச்சர் பிரசன்ன ரணதுங்க உள்ளிட்ட
தரப்பினர் வலியுறுத்தி வருகின்றனர்.

இதனை கருத்திற் கொண்டு ரணில் விக்ரமசிங்க மற்றும் மகிந்த ராஜபக்ச ஆகியொருக்கிடையில் சந்திப்பொன்று இடம்பெறவுள்ளது.

இதன்போது, அதிபர் தேர்தல் குறித்த மொட்டுக் கட்சியின் நிலைப்பாடு என்னவென்பது ரணிலுக்கு உத்தியோகபூர்வமாகத் தெரியப்படுத்தப்படும் என அறியமுடிகின்றது.